കോഴഞ്ചേരി : കോഴഞ്ചേരി യൂണിയനിലെ 95-ാം എസ്.എൻ.ഡി.പി. വെള്ളിയറ ശാഖാ വാർഷിക പൊതുയോഗം യൂണിയൻ വൈസ്പ്രസിഡന്റ് വിജയൻ കാക്കനാടൻ ഉദ്ഘാടനം ചെയ്തു. യൂണിയൻ പ്രസിഡന്റ് മോഹൻ ബാബു അദ്ധ്യക്ഷത വഹിച്ചു.

ശാഖാ സെക്രട്ടറി അനിതാ രാജൻ 2021-22, 2022-23 വർഷങ്ങളിലെ പ്രവർത്തനറിപ്പോർട്ടും വരവ് ചിലവ് കണക്കും ബാക്കി പത്രവും അവതരിപ്പിച്ചു . തുടർന്ന് 2024-2025 സാമ്പത്തിക വർഷത്തേക്കുള്ള ബഡ്ജറ്റും അവതരിപ്പിച്ച് പാസാക്കി.
യൂണിയൻ കൗൺസിലർമാരായ സുഗതൻ പൂവത്തൂർ, സിനു എസ്.പണിക്കർ,​ വനിതാ സംഘം യൂണിയൻ സെക്രട്ടറി ബാംബി രവീന്ദ്രൻ 'വനിതാ സംഘം വെള്ളിയറ യൂണിറ്റ് പ്രസിഡന്റ് വത്സല ശശി,​ ശാഖാ പ്രസിഡന്റ് പ്രഭുലാൽ,​ പ്രസിഡന്റ് ആർ.അജിത്ത് എന്നിവർ സംസാരിച്ചു.