നീർവിളാകം: ധർമ്മ ശാസ്താക്ഷേത്രത്തിലെ പത്ത് നാളത്തെ ഉത്രം ഉത്സവത്തിന് കൊടിയേറി. ശുദ്ധി ചടങ്ങുകൾക്ക്‌ശേഷം ഇന്നലെ പകൽ 8.20ന് താഴമൺ മഠം തന്ത്രി കണ്ഠര് ബ്രഹ്മദത്തരുടെ മുഖ്യ കാർമ്മികത്വത്തിലായിരുന്നു കൊടിയേറ്റ് ചടങ്ങുകൾ.മേൽശാന്തി ആറന്മുള പുത്തൻ മഠം ഹരീഷ് ജെപോറ്റി സഹകാർമ്മികത്വം വഹിച്ചു. 5ന് അമൃത വർഷിണി ഭക്തി ഗാനസുധയും ഏഴിന് ദീപക്കാഴ്ചയും തുടർന്ന് നീർവിളാകം ശാസ്താ തിരുവാതിര സംഘത്തിന്റെ തിരുവാതിര, സംഗീത കച്ചേരി, വിലക്കിനെഴുന്നള്ളിപ്പ് എന്നിവയും നടന്നു. രണ്ടാം ഉത്സവ നാളായ ഇന്ന് രാവിലെ 8.30 മുതൽ ധർമ്മ ശാസ്താ സമിതിയുടെ നാരായണീയം, വൈകിട്ട് 7.15 ന് ഗാനമേള 9.30 ന് വിളക്കെഴുന്നത്ത് എന്നിവ നടക്കും. 25ന് ഉത്രം ഉത്സവും 26ന് ആറാട്ടും നടക്കും. അഞ്ചാം ഉത്സവ ദിനമായ 21 മുതൽ പകൽ 10 ന് ഉത്സവബലി ദർശനം ഉണ്ട്.