അടൂർ : നഗരത്തിലെ സർക്കാർ ഒാഫീസുകളുടെ പരിസരത്ത് ശാപമോക്ഷം കാത്ത് നിരവധി വാഹനങ്ങൾ ഇപ്പോഴുമുണ്ട്. ആരോഗ്യവകുപ്പിന്റെ ആംബുലൻസ്, സ്റ്റാഫ്​ വാനുകൾ, മോട്ടോർ വാഹന വകുപ്പിന്റെ ജീപ്പ്, പൊലീസ് ജീപ്പുകൾ, വിവിധ കേസുകളിൽപ്പെട്ട വാഹനങ്ങൾ, മുനിസിപ്പാലിറ്റിയുടെ ടിപ്പർ ലോറി, ഫുഡ്​ സേഫ്ടി എൻഫോഴ്‌​സിമെന്റിന്റെ ജീപ്പ് എന്നിങ്ങനെ നീളുന്നു പട്ടി​ക.

വി​വി​ധ കേസുകളുമായി ബന്ധപ്പെട്ടവയും തൊണ്ടിമുതലായി വരുന്ന വാഹനങ്ങളും പൊലീസ് സ്റ്റേഷൻ വളപ്പിലുമുണ്ട്. കൂടാതെ കാലാവധി​ കഴി​ഞ്ഞ പൊലീസ് വാഹനങ്ങളും. മോട്ടോർ വാഹന വകുപ്പിന്റെ ഉപയോഗശൂന്യമായ വാഹനങ്ങൾ സിവിൽ സ്റ്റേഷന്റെ പാർക്കിംഗി​ലാണ് സ്ഥാനം പിടിച്ചിരിക്കുന്നത്. ഒരു ഡസനോളം സർക്കാർ ഓഫീസുകളും അഭിഭാഷകരുടെ ഓഫീസുകളും വ്യാപാരസ്ഥാപനങ്ങളും ഉൾപ്പെടുന്ന സമുച്ചയമാണ് സിവിൽ സ്റ്റേഷൻ. പൊതുവെ പാർക്കിംഗ് സ്ഥലം കുറവുള്ള സിവിൽ സ്റ്റേഷൻ കോമ്പൗണ്ടിൽ നിന്ന് ഇത്തരം വാഹനങ്ങൾ അടിയന്തരമായി നീക്കം ചെയ്യേണ്ടി​യി​രി​ക്കുന്നു. ടൗൺ ഹാൾ നിർമ്മാണത്തിനായി തീരുമാനിച്ചിരിക്കുന്ന നഗരസഭയുടെ സ്ഥലത്ത് നഗരസഭയുടെ ടിപ്പർ ലോറി ഉപേക്ഷി​ച്ച നി​ലി​യി​ലുണ്ട്. 15 വർഷം കഴിഞ്ഞ ലോറിയാണി​ത്.