തിരുവല്ല: മനയ്ക്കച്ചിറ ശ്രീനാരായണ കൺവെൻഷനോടനുബന്ധിച്ച് എസ്.എൻ.ഡി.പി.യോഗം തിരുവല്ല യൂണിയനിലെ വിവിധ ശാഖാതല ഭാരവാഹികളുടെ സംയുക്തയോഗങ്ങൾ ഇന്നും നാളെയും നടക്കും. ഇന്ന് രാവിലെ 9ന് നെല്ലിമല 1648 -ാം ശാഖയിലും വൈകിട്ട് 5ന് ഓതറ 350 -ാം ശാഖയിലും 6ന് കുഴുവേലിപ്പുറം സൗത്ത് 1299 -ാം ശാഖയിലുമാണ് യോഗം. നാളെ രാവിലെ 10ന് മടത്തുംഭാഗം 1531 -ാം ശാഖയിലാണ് യോഗം. വനിതാസംഘം, യൂത്ത് മൂവ്മെന്റ്, കുടുംബയൂണിറ്റ്, സൈബർസേന, വൈദികയോഗം, എംപ്ലോയീസ് ഫോറം, പെൻഷനേഴ്‌സ് ഫോറം, ധർമ്മസേന, കുമാരിസംഘം എന്നീ പോഷകസംഘടനകളുടെ ഭാരവാഹികളും യോഗങ്ങളിൽ പങ്കെടുക്കും. തിരുവല്ല യൂണിയൻ പ്രസിഡന്റ് ബിജു ഇരവിപേരൂർ, യൂണിയൻ സെക്രട്ടറി അനിൽ എസ്.ഉഴത്തിൽ, യോഗം അസി.സെക്രട്ടറി പി.എസ് വിജയൻ, ഇൻസ്‌പെക്ടിംഗ് ഓഫീസർ എസ്.രവീന്ദ്രൻ, യൂണിയൻ വൈസ് പ്രസിഡന്റ് കെ.ജി.ബിജു, കൗൺസിലർമാരായ ബിജു മേത്താനം, രാജേഷ് മേപ്രാൽ, അനിൽ ചക്രപാണി, സരസൻ ഓതറ, മനോജ് ഗോപാൽ, പ്രസന്നകുമാർ, പഞ്ചായത്ത് കമ്മിറ്റിയംഗങ്ങളായ കെ.എൻ.രവീന്ദ്രൻ, കെ.കെ.രവി, വനിതാ സംഘം പ്രസിഡന്റ് സുമ സജികുമാർ, സെക്രട്ടറി മണിയമ്മ സോമശേഖരൻ, കുമാരിസംഘം കോർഡിനേറ്റർ ശോഭാ ശശിധരൻ എന്നിവർ വിവിധ യോഗങ്ങളിൽ പ്രസംഗിക്കും.