പന്തളം: പന്തളം ബ്ലോക്ക് പഞ്ചായത്ത് മുൻ പ്ര​സിഡന്റ് മുടിയൂർക്കോണം കൂടതിങ്കൽ വീട്ടിൽ അഡ്വ.കെ.ആർ.പ്രമോദ് കുമാറിന്റെ മകനും പന്തളം സഹകരണ ബാങ്കിലെ മുൻ ജീ​വനക്കാരനുമായ അർജുൻ പ്രമോ​ദി​ (30) നെ അച്ചൻകോവിലാറ്റിൽ മരിച്ച നിലയിൽ കണ്ടെത്തി. പന്തളം മഹാദേവക്ഷേത്രത്തിന് സമീപം മുളമ്പുഴ വയറപ്പുഴ കടവിലാണ് മൃതദേഹം കണ്ടത്. അർജുൻ പ്രമോദിനെ ശനിയാഴ്ച രാത്രിയിൽ കാണാതായതിനെ തുടർന്ന് സഹോദരി ഡോ.ആര്യ പന്തളം പൊലീസിൽ പരാതി നൽകിയിരുന്നു. ഇന്നലെ രാവിലെ 9 മണിയോടെയാണ് മൃതദേഹം കണ്ടത്. ഡ്രൈവിംഗ് ലൈസൻസും പേഴ്‌സും മൃതദേഹം കിടന്നതിന് സമീപം കരയിൽ നി​ന്ന് ലഭി​ച്ചു. സംസ്കാരം ഇന്ന് 11 ന് വീട്ടുവളപ്പിൽ. മാതാവ് : രതി കു​ഞ്ഞ​മ്മ.
മൂന്ന് മാസം മുമ്പ് കൃത്യനിർവഹണത്തിൽ വീഴ്ച വരുത്തിയതി​ന് അർജുൻ പ്രമോദി​നെ ബാങ്ക് പുറത്താക്കി​യി​രുന്നു.