കൊ​ല്ലം: ജീവനക്കാർക്ക് ശ​മ്പ​ള​വും പെൻ​ഷ​നും നൽകാനാകാതെ സം​സ്ഥാ​ന സർ​ക്കാർ ഭ​ര​ണ​ പ​രാ​ജ​യ​ത്തിൽ ച​രി​ത്രം സൃ​ഷ്ടിച്ചെന്നും അ​ധി​കാ​ര​ത്തിൽ ക​ടി​ച്ചുതൂ​ങ്ങുന്ന​ത് സം​സ്ഥാ​ന​ത്തി​ന് അ​പ​മാ​നമാ​ണെന്നും എൻ.കെ.പ്രേ​മ​ച​ന്ദ്രൻ എം.പി പ​റ​ഞ്ഞു.

പ്രാ​ഥ​മി​ക​ ഉ​ത്ത​ര​വാ​ദി​ത്തം പോ​ലും നി​റ​വേ​റ്റു​ന്ന​തിൽ സർ​ക്കാർ പ​രാ​ജ​യ​പ്പെ​ട്ടു. ഏഴ് മാ​സ​ത്തെ ക്ഷേ​മ പെൻ​ഷനും യ​ഥാ​സ​മ​യം ശ​മ്പ​ള​വും ഡി.എയും നൽകാനാകാത്തത് സർ​ക്കാ​രി​ന്റെ ധൂർ​ത്തും കെ​ടു​കാ​ര്യസ്ഥ​ത​യും സാ​മ്പ​ത്തി​ക അ​ച്ച​ട​ക്ക​മി​ല്ലാ​യ്​മ​യും കൊ​ണ്ടാ​ണ്.

കെ.എ​സ്.ആർ.ടി.സി ജീ​വ​ന​ക്കാ​രെ പ​ട്ടി​ണി​ക്കി​ട്ട് ക​ഷ്ട​പ്പെ​ടു​ത്തു​ന്ന​തി​ന് സ​മാ​ന​മാ​യ രീ​തി​യിൽ സർ​ക്കാർ ജീ​വ​ന​ക്കാ​രെ​യും ബു​ദ്ധി​മു​ട്ടി​ക്കു​ന്ന​തിന്റെ തു​ട​ക്ക​മാ​ണ് ശ​മ്പ​ളം മു​ടക്കൽ. വി​വ​ര​സാ​ങ്കേ​തി​ക​വി​ദ്യ​യെ മ​റ​യാ​ക്കി ശ​മ്പ​ളം മു​ട​ങ്ങി​യ​തി​നെ സാ​ങ്കേ​തി​ക പ്ര​ശ്‌​ന​മാ​ണെ​ന്ന് തെ​റ്റി​ദ്ധ​രി​പ്പി​ക്കു​ന്ന ധ​ന​മ​ന്ത്രി​യു​ടെ പ്ര​സ്​താ​വ​ന അ​പ​ഹാ​സ്യ​മാ​ണ്. മു​ട​ന്തൻ ന്യാ​യ​ങ്ങൾ പ​റ​ഞ്ഞ് ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കു​ന്ന പി​ണ​റാ​യി സർ​ക്കാർ ജ​നാധി​പ​ത്യ മ​ര്യാ​ദ​കൾ പാ​ലി​ക്ക​ണ​മെ​ന്നും എം.പി ആ​വ​ശ്യ​പ്പെ​ട്ടു.