തൊടിയൂർ: കല്ലേലിഭാഗം തൊടിയൂർ എസ്.എൻ.വി എൽ.പി സ്കൂളിൽ നിർമ്മിച്ച ഇരുനില മന്ദിരത്തിന്റെ ഉദ്ഘാടനം സി.ആർ.മഹേഷ് എം.എൽ.എ നിർവഹിച്ചു. വിദ്യകൊണ്ട് പ്രബുദ്ധരാകുക എന്ന ഗുരു വചനം സാക്ഷാത്കരിക്കാൻ വേണ്ടി എസ്.എൻ.ഡി.പി യോഗം നടത്തി വരുന്ന പ്രവർത്തനങ്ങൾ മാതൃകാപരവും ശ്ളാഘനീയവുമാണെന്ന് എം.എൽ.എ പറഞ്ഞു.

സ്കൂൾ മാനേജർ എൻ.ചന്ദ്രസേനൻ അദ്ധ്യക്ഷനായി. സെക്രട്ടറി വിപിൻ തെക്കൻ ചേരി സ്വാഗതം പറഞ്ഞു.കരുനാഗപ്പള്ളി യൂണിയൻ പ്രസിഡന്റ് കെ.സുശീലൻ, സെക്രട്ടറി

എ.സോമരാജൻ, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അഡ്വ.അനിൽ എസ്.കല്ലേലിഭാഗം, കരുനാഗപ്പള്ളി എ.ഇ.ഒ ശ്രീജാ ഗോപിനാഥ് എന്നിവർ മുഖ്യ പ്രഭാഷണം നടത്തി. ബ്ലോക്ക് പഞ്ചായത്തംഗം സുനിത അശോക്, ഗ്രാമ പഞ്ചായത്തംഗങ്ങളായ എൽ.ജഗദമ്മ ,എൽ.സുനിത, അൻസിയ ഫൈസൽ, ടി.മോഹനൻ, പി.ജി.അനിൽകുമാർ, പി.ഉഷാകുമാരി, സ്കൂൾ മാനേജിംഗ് കമ്മിറ്റി അംഗങ്ങളായ എ.രമേഷ്, പി.സത്യരാജൻ, പി.സുഭാഷ്, എസ്.വിപിൻ ലാൽ, ആർ.സുരേഷ്, എൻ.രാമകൃഷ്ണൻ, ഡി. ഷിബു, പി.ടി.എ പ്രസിഡന്റ് എസ്.പ്രദീപ് കുമാർ, എം.പി.ടി.എ പ്രസിഡന്റ് ഷംലാബീവി എന്നിവർ പങ്കെടുത്തു. ഹെഡ്മിസ്ട്രസ് എസ്.എസ്. ലേഖ നന്ദി പറഞ്ഞു.