കൊല്ലം: അ​വ​ശ​നി​ലയിൽ പ്രവേശിപ്പിക്കപ്പെട്ട് ചി​കി​ത്സയിലിരിക്കെ മരിച്ച യുവാവിന്റെ ശരീരത്തിൽ വിഷാംശം കണ്ടെത്തി. ആശുപത്രി അധികൃതർ നൽകിയ വിവരത്തിന്റെ അടിസ്ഥാനത്തിൽ കുണ്ടറ പൊലീസ് കേസെടുത്തു. ഇ​ളമ്പ​ള്ളൂർ, കോ​വിൽ​മു​ക്ക് ലേ​ഖാ​ഭ​വനിൽ സൂര​ജ് രവിയുടെ (39) മരണവുമായി ബന്ധപ്പെട്ടാണ് അന്വേഷണം.

ക​ഴി​ഞ്ഞ 25നാ​ണ് സുരജ് രവിയെ സ്വകാര്യ ആ​ശു​പ​ത്രിയിൽ പ്ര​വേ​ശി​പ്പി​ച്ചത്. തീവ്രപരിചരണ വിഭാഗത്തിൽ തുടരവേ ന​ടത്തി​യ പ​രി​ശോ​ധ​നയിൽ ആ​ന്ത​രി​കാ​വ​യവ​ങ്ങൾ ത​ക​രാ​റി​ലാ​ണെ​ന്ന് ക​ണ്ടെ​ത്തി​. തുടർന്ന് നടത്തിയ വിശദ പരിശോധനയിൽ വ​യറ്റിൽ കീ​ട​നാ​ശി​നി​യു​ടെ സാ​ന്നി​ദ്ധ്യം ക​ണ്ടെ​ത്തി. ഇതിനിടയിൽ ചൊവ്വാഴ്ച രാത്രി 11 ഓടെ സൂരജ് രവി മരിച്ചു. ഇതോടെ ആശുപത്രി അധികൃതർ പൊലീസിനെ വിവരം അറിയിച്ചു. പൊ​ലീ​സ് ആ​ശു​പ​ത്രി​യി​ലെ​ത്തി ഇൻ​ക്വ​സ്​റ്റ് ന​ട​പ​ടി​കൾ പൂർ​ത്തി​യാ​ക്കി മൃ​ത​ദേ​ഹം മോർ​ച്ച​റി​യി​ലേ​ക്ക് മാ​റ്റി.

പോസ്റ്റ് മോർട്ടം റിപ്പോർട്ട് ലഭിച്ച ശേഷം ബന്ധുക്കളിൽ നിന്നടക്കം വിവരങ്ങൾ ആരായാനാണ് പൊലീസിന്റെ തീരുമാനം. മദ്യത്തിൽ പലപ്പോഴായി കീടനാശിനി ചെറിയ അളവിൽ കലർത്തി നൽകിയെന്ന സംശയമാണ് പൊലീസിനുള്ളത്. സൂരജ് രവിയുടെ ആന്തരികാവയവങ്ങൾ രാസപരിശോധനയ്ക്കും അയയ്ക്കും.