കൊല്ലം: അന്തർ സർവകലാശാല കലോത്സവത്തിൽ ഓപ്പൺ യൂണിവേഴ്സിറ്റിയുടെ പങ്കാളിത്തം ഉറപ്പാക്കുമെന്ന് മന്ത്രി ആർ. ബിന്ദു പറഞ്ഞു. ശ്രീനാരായണ ഗുരു ഓപ്പൺ യൂണിവേഴ്‌​സിറ്റിയുടെ പ്രഥമ കലോത്സവം ആശ്രാമം ശ്രീനാരായണഗുരു സാംസ്‌കാരിക സമുച്ചയത്തിൽ ഉദ്ഘാടനം ചെയ്യുകയായിരുന്നു മന്ത്രി.

സമൂഹത്തിന്റെ എല്ലാ തലങ്ങളിലേക്കും വിദ്യാഭ്യാസത്തെ എത്തിക്കുന്നതിൽ ശ്രീനാരായണ ഗുരു ഓപ്പൺ യൂണിവേഴ്‌​സിറ്റി വഹിക്കുന്ന പങ്ക് അതുല്യ​മാണ്.ചുരുങ്ങിയ കാലം കൊണ്ട് 22,000 പഠിതാക്കളും 28 കോഴ്‌സുകളുമായി മുന്നേറുകയാണ് യൂണിവേഴ്സിറ്റി. കേന്ദ്ര വിദ്യാഭ്യാസ മന്ത്രാലയത്തിന്റെ ഒരു കോടി രൂപ ഗ്രാന്റായി യൂണിവേഴ്‌സിറ്റിക്ക് ലഭിച്ചത് മികവിന്റെ തെളിവാണെന്നും മന്ത്രി പറഞ്ഞു. മന്ത്രി ജെ. ചിഞ്ചുറാ​ണി അ​ദ്ധ്യക്ഷയായി. കലോത്സവം നാളെ സമാപിക്കും.