കൊല്ലം: പ്ര​ഥ​മ ശ്രീ​നാ​രായാ​ണ ഗു​രു ഓ​പ്പൺ യൂ​ണി​വേ​ഴ്‌​സി​റ്റി ക​ലോ​ത്സ​വ​ വേദികളുടെ പേരുകളിൽ നിറഞ്ഞു നിൽക്കുന്നത് കൊ​ല്ല​ത്തി​ന്റെ പെ​രു​മ.

ആകെ 9 വേദികളാണുള്ളത്. മ​ല​യാ​ള​ത്തി​ന്റെ ആ​ദ്യകാ​ല ആ​ക്ഷൻ​ഹീ​റോ ജ​യ​ന്റെ പേ​രി​ലാ​ണ് ഒന്നാം വേ​ദിയാ​യ ജ​യൻ നഗർ. മ​ലയാ​ള സി​നി​മാ​ഗാ​ന​രംഗ​ത്ത് വൃ​ക്തി​മു​ദ്ര പ​തി​പ്പിച്ച ദേവരാജൻ മാഷിന്റെ പേരി​ലാ​ണ് രണ്ടാം വേ​ദി (ജോൺ എ​ബ്രഹാം ഹാൾ). വഞ്ചിപ്പാട്ട് മുതൽ ഗാനമേള വ​രെ വേ​ദി ര​ണ്ടി​ലാ​ണ് അ​ര​ങ്ങേ​റുക. ലോക സാഹിത്യത്തെയും ചരിത്രത്തെയും കഥകളാക്കിയ സംബശിവന്റെ ഓർമയിലാണ് കഥാപ്രസംഗവും കവിതയും ക്ലാസിക്കൽ സംഗീതവും നിറഞ്ഞ മൂന്നാം വേ​ദിയാ​യ സാം​ബ​ശി​വൻ നഗർ. ജോർജ് വർഗീസ് കാക്കനാടന്റെ പേരിലാണ് നാലാം വേദി. കഥകളി അരങ്ങിലെ ആദ്യ സ്ത്രീ സാന്നിദ്ധ്യമായ ചവറ പാറുക്കുട്ടിയുടെ പേ​രിൽ വേ​ദി അഞ്ച്. വിമർശനത്തിന്റെ സുവിശേഷങ്ങൾ കൊണ്ട് മലയാളത്തിൽ മധുരം നിറ​ച്ച കെ.പി. അ​പ്പന്റെ പേരിലാ​ണ് വേ​ദി ആ​റ്.

ചി​ത്ര​ക​ലാ​കാ​രൻ ജ​യ​പാ​ല​പ​ണി​ക്ക​രു​ടെ പേ​രി​ലാണ് ഏഴാം വേ​ദി. ക്ലേ മോഡലിംഗും സ്‌പോട്ട് ഫോട്ടോഗ്രാഫിയുമാണ് ഈ വേ​ദിയിൽ ന​ട​ക്കുക. അഷ്ടമുടിയുടെ ആഴങ്ങളിലെ പ്രണയ​ത്തെ​ക്കു​റി​ച്ചെ​ഴുതിയ തിരുനല്ലൂർ കരുണാകരന്റെ പേരി​ലു​ള്ള​താണ് എട്ടാം വേ​ദി​. ഒമ്പതാം വേദി
നാടകാചാര്യൻ ഒ. മാധവന്റെ പേ​രിലും.