കൊല്ലം: ഉറ്റവരുടെയും ഉടയവരുടെയും അ​ന്ത്യ ചും​ബ​നം ഏ​റ്റു​വാ​ങ്ങി പാറ്റ് നിബിൻ മാ​ക്‌​സ്‌​വെൽ വാ​ടി സെന്റ് ആന്റ​ണീ​സ് പ​ള്ളിയിൽ നിത്യനിദ്ര‌യിലായി. വികാ​ര നിർ​ഭ​ര രം​ഗ​ങ്ങ​ൾക്കാ​ണ് നി​ബിന്റെ വീടായ കാർ​മ്മൽ കോ​ട്ടേ​ജ് സാ​ക്ഷ്യ വ​ഹി​ച്ചത്.

ഇ​സ്ര​യേലിൽ ക​ഴി​ഞ്ഞ തി​ങ്ക​ളാഴ്​ച നടന്ന മി​സൈൽ ആ​ക്ര​മ​ണ​ത്തി​ലാ​ണ് കൊല്ലം വാ​ടി സ്വ​ദേ​ശിയാ​യ പാ​റ്റ് നിബിൻ മാ​ക്‌​സ്‌വെൽ (31) കൊല്ല​പ്പെ​ട്ട​ത്. ഇ​ന്നലെ ഉ​ച്ച​യ്​ക്ക് ഒ​ന്നിന് നി​ബി​ന്റെ മൃ​ത​ദേ​ഹം വീ​ട്ടി​ലെ​ത്തി​ച്ചു. നി​ബി​ന് അ​ന്ത്യാ​ഞ്​ജ​ലി​ അർ​പ്പിക്കാൻ നൂ​റു​ക​ണ​ക്കി​ന് പേ​രാ​ണെ​ത്തി​യ​ത്. നി​ബി​ന്റെ അ​മ്മ റോ​സ്‌ലി​യു​ടെയും ബ​ന്ധു​ക്ക​ളു​ടെ​യും നി​ല​വി​ളി കൂടിനിന്നവരുടെ കണ്ണു നനയിച്ചു. ഏ​ഴ്​മാ​സം ഗർ​ഭി​ണി​യാ​യ ഭാ​ര്യ ഫി​യോ​ണ​യും സം​ഭ​വി​ക്കു​ന്ന​തെ​ന്തെ​ന്ന​റി​യാ​തെ പ​പ്പ എ​ന്ന് വി​ളി​ച്ച് ക​ര​യു​ന്ന അ​ഞ്ച് വ​യ​സു​കാ​രി ആ​മി​യയും അ​ന്ത്യ ചും​ബ​നം നൽ​കു​ന്ന കാഴ്​ച ഹൃ​ദ​യ​ഭേ​ദ​ക​മാ​യി​.

കൊല്ലം ബിഷ​പ്പ് ഡോ. പോൾ ആന്റ​ണി മുല്ല​ശേ​രി​യാ​ണ് അ​ന്ത്യ​കർ​മ്മ​ങ്ങൾ​ക്ക് നേ​തൃത്വം വ​ഹി​ച്ചത്. വൈ​കി​ട്ട് നാ​ലി​ന് വാ​ടി പ​ള്ളിയിൽ സം​സ്​കാ​ര​ച​ട​ങ്ങു​കൾ​ക്കാ​യി മൃ​ത​ദേ​ഹം കൊ​ണ്ടു​പോകും വ​രെ വാ​ടി​യി​ലെ കാർ​മ്മൽ​ കോ​ട്ടേ​ജി​ലേ​ക്ക് ജ​ന പ്ര​വാ​ഹ​മാ​യി​രുന്നു. തു​ടർന്ന് വൈ​കി​ട്ട് നാ​ല് മ​ണി​യോ​ടെ വാ​ടി പ​ള്ളി​യിൽ ശ്രു​ശ്രൂ​ഷ​ ച​ട​ങ്ങു​കൾ ന​ടന്നു. ഇ​തി​ന് ശേ​ഷ​മാ​ണ് നിബി​നായി ഒ​രുക്കി​യ കല്ല​റ​യി​ലേക്ക് മൃ​ത​ദേ​ഹം എ​ത്തി​ച്ച​ത്. ഫി​യോ​ണയും ആമി​യയും അ​വസാ​ന മൺത​രി കു​ഴി​മാ​ട​ത്തി​ലേക്ക് ഇ​ട്ട​തോ​ടെ​യാണ് സം​സ്​കാ​ര​ച​ട​ങ്ങു​കൾ പൂർ​ത്തി​യാ​ക്കി​യ​ത്.

ബം​ഗ​ളൂ​രു​വി​ലെ ഇ​സ്രായേൽ കോൺ​സൽ ജ​നറൽ ടാ​മി ബെൻ ഹൈം നി​ബി​ന് പു​ഷ​പ​ചക്രം അർ​പ്പി​ച്ചു. കെ.എസ്.എ​ഫ്.ഇ ചെ​യർമാൻ കെ. വ​ര​ദ​രാജൻ, കാഷ്യു കോർ​പ്പ​റേ​ഷൻ ചെ​യർ​മാൻ എസ്. ജ​യ​മോഹൻ, എം.മു​കേ​ഷ് എം.എൽ.എ, ഡി.സി.സി പ്ര​സിഡന്റ് രാ​ജേ​ന്ദ്ര പ്ര​സാദ്, ഐ.എൻ.ടി.യു.സി ജില്ലാ​പ്ര​സി​ഡന്റ് എ.കെ. ഹ​ഫീ​സ്, ഡി.സി.സി. വൈസ് പ്ര​സി​ഡന്റ് വിപി​ന ച​ന്ദ്രൻ, കോൺ​ഗ്ര​സ് നേ​താ​ക്കളാ​യ ഗീ​താ​കൃ​ഷ്ണൻ, സൂര​ജ് ര​വി, ബി.ജെ.പി ജില്ലാ​പ്ര​സിഡന്റ് ബി.ബി. ഗോ​പ​കു​മാർ, ജില്ലാ ജന​റൽ സെ​ക്രട്ട​റി എസ്. പ്ര​ശാന്ത്, വൈ​സ് പ്ര​സി​ഡന്റ് ശ​ശി​ക​ല റാവു, യു​വ​മോർ​​ച്ച ജില്ലാ പ്ര​സിഡന്റ് പ്ര​ണവ് താ​മ​ര​ക്കു​ളം എ​ന്നി​വർ അ​ന്ത്യോ​പ​ചാ​രം അർ​പ്പിച്ചു.