
കൊട്ടാരക്കര: കെ.എസ്.ആർ.ടി.സി ബസ് ഡ്രൈവർ കുഴഞ്ഞുവീണ് മരിച്ചു. അടൂർ ഡിപ്പോയിലെ താത്കാലിക ഡ്രൈവറായ പെരുംകുളം ഉദയഭവനിൽ ആർ.ജയശങ്കറാണ് (50) മരിച്ചത്. അടൂരിൽ നിന്ന് പെരിക്കല്ലൂരിലേക്കുള്ള സർവീസ് കഴിഞ്ഞ ശേഷം പെരിക്കല്ലൂരിൽ സഹപ്രവർത്തകർക്കൊപ്പം വിശ്രമിക്കുന്നതിനിടെ ദേഹാസ്വാസ്ഥ്യമുണ്ടാവുകയായിരുന്നു. ഉടൻ പുൽപ്പള്ളി സാമൂഹികാരോഗ്യ കേന്ദ്രത്തിലെത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം ഇന്ന് രാവിലെ 11ന്. ഭാര്യ: കൃഷ്ണകുമാരി. മക്കൾ: ദേവു, ഗൗരി.