കൊല്ലം: ഉപ്പ് നിയമ ലംഘനത്തിനായി മഹാത്മജിയുടെ നേതൃത്വത്തിൽ നടന്ന ദണ്ഡി യാത്രയുടെ 94-ാം വാർഷിക പരിപാടികൾ ഇന്ന് കൊല്ലത്ത് മന്ത്രി കെ.എൻ.ബാലഗോപാൽ ഉദ്ഘാടനം ചെയ്യും.

കൊല്ലം പൊലീസ് ക്ലബ് ഓഡിറ്റോറിയത്തിൽ നടക്കുന്ന ചടങ്ങിൽ മഹാത്മാഗാന്ധി ഫൗണ്ടേഷൻ സംസ്ഥാന ചെയർമാൻ എസ്.പ്രദീപ് കുമാർ അദ്ധ്യക്ഷനാകും. 'ഫെഡറലിസം- കാഴ്ചപ്പാടും യാഥാർത്ഥ്യവും ' എന്ന വിഷയത്തിലുള്ള സെമിനാറിന്റെ ഉദ്ഘാടനം, 'മഹാത്മാഗാന്ധി പുരസ്കാര'ദാനം എന്നിവയും മന്ത്രി നിർവഹിക്കും.

ശ്രീനാരായണ ഓപ്പൺ യൂണിവേഴ്സിറ്റി വൈസ് ചാൻസലർ ഡോ.മുബാറക് പാഷ മുഖ്യ അതിഥിയാകും. കൊല്ലം ബിഷപ്പ് പോൾ ആന്റണി മുല്ലശ്ശേരി പങ്കെടുക്കും. മുല്ലക്കര രത്നാകരൻ, അലക്സാണ്ടർ ജേക്കബ് എന്നിവർ മുഖ്യപ്രഭാഷണം നടത്തും. സംസ്ഥാന വൈസ് പ്രസിഡണ്ട് ഡോ.കെ.എസ്.മണി അഴീക്കോട് സ്വാഗതവും ഡോ.പത്മകുമാർ നന്ദിയും പറയും.