കൊല്ലം: ശക്തികുളങ്ങര കന്നിമേൽചേരിയിൽ കോടിയിൽ സജീവനെ (53) നിരോധിത പുകയില ഉത്പന്നങ്ങളുമായി ശക്തികുളങ്ങര പൊലീസ് പി​ടി​കൂടി​. ശക്തികുളങ്ങര പാലത്തിന് സമീപം ഇന്നലെ വൈകിട്ട് പൊലീസ് നടത്തിയ പരിശോധനയിൽ 30 പാക്കറ്റ് ലഹരി ഉത്പന്നങ്ങൾ സജീവന്റെ പക്കൽ നിന്ന് കണ്ടെത്തി. തുടർന്ന് നടത്തിയ ചോദ്യംചെയ്യലിലാണ് കടയിൽ സൂക്ഷിച്ചിരുന്ന 9 ചാക്ക് ലഹരി ഉത്പന്നങ്ങൾ പിടികൂടിയത്.

ശക്തികുളങ്ങര എസ്.എച്ച്.ഒ ഉദയകുമാറിന്റെ നേതൃത്വത്തിൽ എസ്.ഐ.മാരായ വിനോദ്, പ്രദീപ്, സുദർശൻ എന്നിവരടങ്ങിയ സംഘമാണ് സജീവനെ പിടികൂടിയത്.