കൊല്ലം: എൻ.എസ് ആയുർവേദ ആശുപത്രിയിൽ സൗജന്യ രോഗ നിർണയ ക്യാമ്പ് നാളെ നടക്കും. രാവിലെ 9 മുതൽ ഉച്ചയ്ക്ക് 2 വരെ നടക്കുന്ന ക്യാമ്പിൽ ശല്യതന്ത്ര വിഭാഗം (ഓർത്തോ പീഡിക്‌സ്), പ്രസൂതിതന്ത്ര & സ്ത്രീരോഗ വിഭാഗം (ഒബ്സ്റ്റട്രിക്‌സ് & ഗൈനക്കോളജി) വിഭാഗങ്ങളിലായി സൗജന്യ വൈദ്യപരിശോധനയും മരുന്ന് വിതരണവും നടത്തും. മുൻ ജില്ലാ മെഡിക്കൽ ഓഫീസറും ആശുപത്രി മെഡിക്കൽ സൂപ്രണ്ടുമായ ഡോ. വി.കെ.ശശികുമാർ, കേരള ആയുർവേദ മെഡിക്കൽ എഡ്യുക്കേഷൻ മുൻ ഡയറക്ടറും ആശുപത്രി ചീഫ് കൺസൾട്ടന്റുമായ ഡോ. എം.ആർ.വാസുദേവൻ നമ്പൂതിരി എന്നിവർ നേതൃത്വം നൽ കും. ക്യാമ്പിൽ പങ്കെടുക്കുന്നവർക്ക് അസ്ഥി സാന്ദ്രത പരിശോധന (ബോൺ മിനറൽ ഡെൻസിറ്റി), അമിതവണ്ണവും കൊഴുപ്പും തിരിച്ചറിയുന്ന ബോഡി ഫാറ്റ് അനലൈസർ ടെസ്റ്റ്, രക്തത്തിലെ ഗ്ലൂക്കോസ് പരിശോധന (യൂറിക് ആസിഡ് ടെസ്റ്റ്) എന്നിവ സൗജന്യമായിരിക്കും. ആദ്യം രജിസ്റ്റർ ചെയ്യുന്ന നൂറ് പേർക്കായിരിക്കും മുൻഗണന. ഫോൺ: 0474 - 2727600, 8547973300.