കൊല്ലം: മുൻവി​രോ​ധത്തെ തുടർന്ന് മ​ദ്ധ്യ​വ​യ​സ്‌ക​നെ മർ​ദ്ദി​ക്കു​കയും കു​ത്തി​ക്കൊ​ല​പ്പെ​ടുത്താൻ ശ്ര​മി​ക്കു​കയും ചെയ്​ത സം​ഭ​വത്തിൽ സ​ഹോ​ദ​ര​ങ്ങൾ പി​ടി​യിൽ.

മീനാട് മാർക്കറ്റിന് സമീപം ജോയ് നിവാസിൽ ജോഷ് (46)എന്നയാളെ സംഘം ചേർന്ന് മർ​ദ്ദി​ച്ച ശേ​ഷം കു​ത്തി​ക്കൊ​ല​പ്പെ​ടുത്താൻ ശ്ര​മിച്ച സഹോദരങ്ങളായ മീനാട് വയലിൽ വീ​ട്ടിൽ മനു(35), മനോജ്(33) എ​ന്നി​വ​രാ​ണ് ചാ​ത്ത​ന്നൂർ പൊ​ലീ​സി​ന്റെ പി​ടി​യി​ലാ​യത്.

ഫെബ്രുവ​രി 26​ ന് വൈ​കിട്ട് മീനാട് ശാസ്താ ക്ഷേത്രത്തിന് സമീപത്ത് വച്ച് ജോഷിനെ പ്രതികൾ ഉൾപ്പെട്ട സംഘം തടഞ്ഞുനിറുത്തി മർദ്ദിക്കുകയും പ്രതിയായ മനു കൈയിൽ കരുതിയിരുന്ന കത്തി ഉപയോഗിച്ച് കുത്തി പരിക്കേൽപ്പിക്കുകയുമായിരുന്നു.

തുടർ​ന്ന് ജോ​ഷിന്റെ മൊഴിയുടെ അടിസ്ഥാനത്തിൽ ചാത്ത​ന്നൂർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചെങ്കിലും പ്രതികൾ ഒളിവിൽ പോയതിനാൽ പിടികൂടാൻ സാധിച്ചില്ല.

തെര​ച്ചിൽ ഊർ​ജ്ജി​ത​മാ​ക്കി​യ​തോടെ കഴിഞ്ഞ ദിവ​സം ഇ​രു​വരും പൊലീസിന്റെ പി​ടി​യി​ലാ​യി.

ചാത്ത​ന്നൂർ പൊലീസ് ഇൻസ്‌​പെക്ടർ വിജയരാഘവന്റെ നേതൃത്വത്തിൽ എസ്.ഐ മാരായ ദീപു, ഷാജി എ.എസ്.ഐ സജി സി.പി.ഒമാരായ കണ്ണൻ, ശ്യാം എന്നിവരടങ്ങിയ സംഘമാണ് പ്രതികളെ പിടികൂടിയത്.