ഏരൂർ : പത്തടിക്ക് സമീപം കാഞ്ഞുവ​യലിൽ പെ​ട്ടി ഓ​ട്ടോയും കാറും കൂ​ട്ടി​യി​ടിച്ച് ഉണ്ടാ​യ അ​പ​ക​ട​ത്തിൽ നാല് പേർക്ക് പ​രിക്ക്. പത്തടി മുംതാസ് മൻസിലിൽ റംല ബീവി(58), ഓട്ടോ ഡ്രൈവ‌ർ രമേശൻ (28), പത്തടി അൻവർ മൻസിലിൽ ഷിഹാബുദീൻ, ഭാരതീപുരം ചരുവിള പുത്തൻവീട്ടിൽ ബാബു എന്നിവർക്കാണ് പരിക്കേറ്റ​ത്. ഇന്ന​ലെ രാ​വി​ലെ 7.30നാ​ണ് അ​പക​ടം ഉ​ണ്ടാ​യ​ത്. അ​ഞ്ചലിൽ നിന്ന് കു​ള​ത്തൂ​പ്പു​ഴ​യി​ലേക്ക് വ​രി​ക​യാ​യി​രുന്ന കർണാടക സ്വദേശികൾ സഞ്ചരിച്ചിരുന്ന കാർ മറ്റൊരു വാഹനത്തെ മറികടക്കുവാൻ ശ്രമിക്കവേ എതിർ ദിശയിൽ നിന്നും പച്ചക്കറിയുമാ​യി വന്ന പെട്ടിഓട്ടോറിക്ഷയിൽ ഇടിക്കുകയായിരു​ന്നു. ഇടിയുടെ ആഘാ​തത്തിൽ ഓ​ട്ടോറി​ക്ഷ സ​മീ​പ​ത്തെ കടയിലേക്ക് ഇടിച്ചുകയറിയാണ് നി​ന്ന​ത്. ഈ സമയം കടയ്ക്ക് സമീപം ഫോൺ ചെയ്തു നിൽക്കുകയായിരുന്നു പാചകതൊഴിലാളിയായ അമ്പിളി അത്ഭുതകരമായി ര​ക്ഷ​പ്പെട്ടു.

പരിക്കേറ്റവരെ നാട്ടുകാർ ഉടൻ തന്നെ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു.റംലാബീവിയേയും രമേശനേയും വിദഗ്ധ ചികിത്സക്കായി തിരുവനന്തപുരം മെഡിക്കൽ കോളജ്​ ആശുപത്രിയിലേക്ക് മാറ്റി. നിസാര പരിക്കേറ്റ കർണ്ണാടക സ്വദേശികളായ ദമ്പതികൾ പ്രാഥമിക ചികിത്സക്ക് ശേഷം ആശുപത്രി വി​ട്ടു.
ഏരൂർ പൊലീസ് കേസെ​ടു​ത്തു.