കൊല്ലം: ലോക്‌സഭ തി​രഞ്ഞെടുപ്പ് പടി​വാതി​ലി​ൽ നി​ൽക്കവേ സാമൂഹ്യ മാദ്ധ്യമങ്ങളി​ൽ പോരാട്ടം അതി രൂക്ഷം!. റീലുകളും ട്രോളുകളും നിറയ്ക്കാൻ ഓരോ മുന്നണിയും പ്രൊഫഷണൽ ടീമുകളെത്തന്നെ നിയോഗിച്ചിട്ടുണ്ട്. കമന്റ് ബോക്സുകളിൽ പരസ്പരം ചെളിയേറും തകൃതി!

പ്ര​ചാ​ര​ണ​ങ്ങ​ളു​ടെയും റോ​ഡ് ഷോ​ക​ളു​ടെയും 30 സെ​ക്കൻഡ് ദൈർ​ഘ്യ​മു​ള്ള ഹെ​ലി​ക്യാം ഷോ​ട്ടു​കൾ ഉൾ​പ്പെ​ടു​ത്തി​യു​ള്ള റീ​ലു​കളാ​ണ് ഇൻ​സ്​റ്റ​ഗ്രാ​മി​ലെ ട്രെൻഡ്. മുന്നണികളുടെ ഔദ്യോഗിക ഗ്രൂപ്പുകളിൽ ഇവ വരുമ്പോൾ തന്നെ പരമാവധി ഷെയർ ചെയ്യണമെന്ന നിർദ്ദേശം പ്രവർത്തകർക്ക് നൽകിയിട്ടുണ്ട്. കമന്റ് നൽ​കേ​ണ്ടവർ, പോ​സ്​റ്റി​ന് റീ​ച്ചു​ണ്ടാ​ക്കേ​ണ്ടവർ, ക​ണ്ടന്റ് ക്രി​യേ​റ്റേ​ഴ്‌​സ് എ​ന്നി​ങ്ങ​നെ​യാ​ണ് ടീമുകളെ നിയോഗിച്ചിരിക്കുന്നത്. വാ​ട്‌​സ് ആപ്പ് പ്ര​ചാ​ര​ണ​ത്തി​ന് പുറമേ ടെ​ലിഗ്രാം ബോ​ട്ടു​ക​ളു​ടെ സേ​വ​നവും ഉ​പ​യോ​ഗി​ക്കു​ന്നുണ്ട്. ട്രെൻഡിനൊപ്പം നിലപാട് മാറ്റുന്ന യുവ വോട്ടർമാരെയാണ് മുന്നണികൾ പ്രധാനമായും ലക്ഷ്യമിടുന്നത്.

പ്ര​ചാ​ര​ണ​ത്തി​ലെ വേറിട്ട മു​ഹൂർ​ത്ത​ങ്ങൾ ഒ​പ്പി​യെ​ടു​ക്കാൻ സ്ഥാ​നാർ​ത്ഥി​കൾ​ക്കൊ​പ്പം ടീമുണ്ട്. ഓരോ അ​ര​മ​ണിക്കൂറിലും സ്ഥാനാർത്ഥിയുടെ പുതുപുത്തൻ പ്രചാരണ വീഡിയോകളും ദൃശ്യങ്ങളും അതത് ഗ്രൂപ്പുകളിൽ നി​റയും.

വൈറൽ ട്രെൻഡിനൊപ്പം എം.മുകേഷ്

യുവ എ​ഴു​ത്തു​കാ​രനായ അഖിൽ.പി.ധർ​മ്മ​ജ​ന്റെ ഏ​റ്റവും പുതി​യ നോ​വലാ​യ റാം കെ​യർ ഒ​ഫ് ആ​ന​ന്ദി​യു​ടെ ക​വർ ചി​ത്ര​ത്തി​ന്റെ ഡി​സൈൻ അ​ടു​ത്തി​ടെ ഇൻ​സ്​റ്റ​ഗ്രാമിൽ വൈ​റ​ലാ​യി​രു​ന്നു. ഈ ട്രെൻഡി​നൊ​പ്പ​മാ​ണ് എൽ.ഡി.എഫ് സ്ഥാ​നാർ​ത്ഥി​ക​ളു​ടെ പോ​സ്റ്റ​റു​കൾ രൂ​പ​കല്പന ചെ​യ്​തി​രി​ക്കു​ന്നത്.

ഇതേ ഡി​സൈ​നി​ലു​ള്ള ര​ണ്ട് പോ​സ്​റ്റ​റു​ക​ളാണ് എം. മു​കേ​ഷി​ന്റേ​താ​യി ഇറങ്ങിയത്. വ​ലിയ സ്വീ​കാ​ര്യ​ത​യും കിട്ടി. റാം കെ​യർ ഒ​ഫ് ആ​ന​ന്ദിയുടെ ക​വർ ഡി​സൈൻ ചെ​യ്​തി​രി​ക്കുന്ന​ത് ആ​ല​പ്പു​ഴ​യിലെ തി​ങ്കിം​ഗ് ആൻഡ് എ​ന്ന ഡി​സൈൻ സ്ഥാപ​നം ന​ട​ത്തു​ന്ന ഹ​രിൻ​ കൈരളി പു​ന്ന​പ്ര ആ​ണ്. നിമ്‌​ന വിജ​യ് എ​ഴുതി​യ 'ഏ​റ്റവും പ്രി​യ​പ്പെ​ട്ട നി​ന്നോ​ട്' എ​ന്ന നോ​വ​ലി​ന്റെ ക​വർ ഡി​സൈൻ മാ​തൃ​ക​യിലും ഇട​ത് സ്ഥാ​നാർ​ത്ഥി​യു​ടെ പോ​സ്​റ്റ​റു​കൾ പു​റ​ത്തി​റ​ങ്ങി​യി​ട്ടു​ള്ളത്. മു​കേ​ഷ് അ​ഭി​ന​യി​ച്ച സിനി​മ​ക​ളി​ലെ സം​ഭാ​ഷണ​ങ്ങൾ ഉൾ​പ്പെ​ടു​ത്തി​യു​ള്ള റീ​ലു​കളും കളം നിറയുകയാണ്.