കു​ള​ത്തൂപ്പു​ഴ: പ്ര​ധാ​ന​മ​ന്ത്രി​യു​ടെ പേ​രി​ലുള്ള സ്വയംതൊഴിൽ വായ്പ മറയാക്കി സാമ്പത്തിക തട്ടിപ്പ് നടത്തിയ സംഘത്തിലെ മുഖ്യപ്രതിയും പങ്കാളിയും പിടിയിൽ. കുളത്തൂപ്പുഴ പതിനൊന്നാം മൈൽ സുമിത ഭവനിൽ സുമി​ത, ഇ​വ​രുടെ പങ്കാളി ഏരൂർ ചില്ലിംഗ്പ്ലാന്റിന് സമീപം വിപിൻ സദനത്തിൽ വിപിൻ കുമാർ എന്നി​വ​രാണ് കഴിഞ്ഞ ദിവസം കുളത്തൂപ്പു​ഴ പൊ​ലീ​സി​ന്റെ പി​ടി​യി​ലാ​യ​ത്.

ഒ​ളി​വി​ലാ​യി​രു​ന്ന വി​പിൻ​കുമാർ വീട്ടിലെത്തിയതായി പൊലീസിന് ലഭിച്ച രഹസ്യ വിവരത്തിന്റെ അടിസ്ഥാ​ന​ത്തിൽ പൊ​ലീ​സെ​ത്തി അ​റ​സ്റ്റ് ചെ​യ്യു​ക​യാ​യി​രുന്നു. ഇയാളെ ചോദ്യം ചെയ്തതിൽ നിന്നുമാണ് ഏരൂർ പാണയത്ത് ഒളിവിൽ താമസിച്ചിരുന്ന സുമി​ത​യെ പൊലീസ് പിടികൂടിയത്.

സുമിത, വിപിൻ എന്നിവരെ കൂടാതെ കുളത്തൂപ്പുഴ സ്വദേശികളായ രമ്യ പ്ര​ദീ​പ്, ഇ​വ​രു​ടെ ഭർ​ത്താ​വ് ബിനു എന്നിവരടങ്ങുന്ന സംഘമാണ് തിരുവനന്തപുരം, കൊല്ലം ജില്ലയിൽ നിന്നുള്ള നിരവധി ആളുകളിൽ നിന്നുമായി കോടികൾ ത​ട്ടി​യെ​ടു​ത്ത​ത്.

ലക്ഷങ്ങൾ വായ്പ ലഭിക്കുമെന്നും ഇതിനായി മാർജിൻ മണി എന്ന നിലയിൽ ആദ്യം കുറച്ചു തുക അടയ്ക്കണമെന്നും വായ്പ ലഭിക്കുമ്പോൾ മുൻ​കൂർ വാങ്ങിയ പണത്തിന് പുറമേ സ്ഥാപനങ്ങൾ ആരംഭിക്കാനുള്ള തുക കൂടി നൽകാ​മെന്ന് ഉ​റ​പ്പ് നൽ​കി​യാണ് ലക്ഷ​ങ്ങൾ ഈ​ സംഘം വാങ്ങിയെടുത്തത്. എ​ന്നാൽ ഏ​റെ നാൾ കഴിഞ്ഞിട്ടും വായ്പയോ പണമോ ലഭി​ക്കാ​താ​യ​തോ​ടെ​യാണ് തട്ടിപ്പിനിരയാ​യവർ പൊലീസിൽ പരാതി നൽ​കി​യത്. തു​ടർ​ന്ന് പ്ര​തി​കൾ ഒ​ളിവിൽ പോ​വു​ക​യാ​യി​രു​ന്നു.

ഒ​ളി​വി​ലി​രു​ന്ന പ​രാ​തി​ക്കാ​രെ ഭീ​ഷ​ണി​പ്പെ​ടു​ത്തു​കയും ചെ​യ്​തി​രു​ന്നു. ഇതിനിടെ രമ്യ പ്രദീപിനെ ചിതറ പൊലീസ് അറസ്റ്റ് ചെയ്തു. ഇതി​നി​ടെ രമ്യ പ്രദീപിനെ ചി​തറ പൊലീസ് അറസ്റ്റ് ചെ​യ്​തി​രുന്നു. ഏ​റെ നാൾ ക​ഴി​ഞ്ഞിട്ടും മ​റ്റ് പ്ര​തിക​ളെ അ​റ​സ്​റ്റ് ചെ​യ​തി​ല്ലെ​ന്നാ​രോ​പി​ച്ച് പ​രാ​തിക്കാർ സമ​രം ചെ​യ്​തി​രു​ന്നു. പ​രാ​തി നൽ​കി മൂ​ന്ന് മാ​സ​ത്തി​ന് ശേ​ഷ​മാ​ണ് മു​ഖ്യ​പ്ര​തി ​ഉൾ​പ്പെ​ടെ​യുള്ള​വർ പി​ടി​യി​ലാ​കു​ന്നത്. ഒളിവിലുള്ള ബിനുവിനെ കുറിച്ചുള്ള സൂചനകൾ ലഭിച്ചതായും ഉടൻ പിടിയിലാകുമെ​ന്നും പൊലീസ് പ​റഞ്ഞു.

കു​ള​ത്തൂപ്പു​ഴ എസ്. എ​ച്ച.ഒ ബി. അ​നീ​ഷി​ന്റെ നിർ​ദേ​ശ​പ്ര​കാരം എ​സ്.ഐ സ​ജി​യുടെ നേ​തൃ​ത്വ​ത്തിൽ എ.എസ്.ഐ വിനോദ്, സി.പി.ഒമാരായ രതീഷ്, സുജിത്ത്, വിമൽ, ഗിരീഷ്, കൃഷ്ണദാസ് എന്നിവരടങ്ങുന്ന സംഘമാണ് പ്രതികളെ പിടികൂടി​യത്.