കൊല്ലം: കൊല്ലം പാർലമെന്റ് മണ്ഡലം എൽ.ഡി.എഫ് സ്ഥാനാർത്ഥി എം.മുകേഷിന്റെ പൊതുസ്വീകരണ പരിപാടികൾക്ക് കിഴക്കൻ മലയോര മേഖലയായ റോസ്മലയിൽ ഇ​ന്നലെ തുടക്കമായി. രാവിലെ റോസ്മലയിലെത്തിയ മുകേഷിനെ തൊഴിലാളികൾ രക്തഹാരങ്ങളണി​യിച്ച് സ്വീകരിച്ചു.

മതമൈത്രിയുടെ അന്തരീക്ഷം ഇല്ലാതാക്കാൻ ശ്രമിക്കുന്നവരും അതിനെ പ്രതിരോധിക്കാൻ ശ്രമിക്കുന്നവരും തമ്മിലുള്ള പോരാ​ട്ട​മാ​ണ് ഈ തിരഞ്ഞെ​ടു​പ്പ്. ഒരു പിഴവ് സംഭവിച്ചാൽ കേരളം ഡോ. ആർ.എൽ.വി.രാമകൃഷ്ണനെ അധിക്ഷേപിച്ച നർത്തകി സത്യഭാമമാരെ കൊണ്ട് നിറയുമെന്നും മുകേഷ് പറ​ഞ്ഞു.

മന്ത്രി കെ.എൻ.ബാലഗോപാൽ പരിപാടി ഉദ്ഘാടനം ചെയ്തു. തു​ടർന്ന് ആര്യങ്കാവ് കരയാളാർ തോ​ട്ട​ത്തി​ലെത്തി​യ മു​കേ​ഷി​നെ വീ​ര​നാ​ട്യ നൃ​ത്ത​ത്തി​ന്റെ അ​ക​മ്പ​ടി​യോ​ടെ​യാ​ണ് സ്വീ​ക​രി​ച്ച​ത്. വൈ​കി​ട്ട് അച്ചൻ​കോ​വി​ലിലും വൻ​ സ്വീ​ക​ര​ണ​മാണ് ലഭി​ച്ച​ത്. മൂന്നുമുക്ക്, പകൽവീ​ട്, അച്ചൻകോവിൽ ക്ഷേ​ത്ര​പ​രിസരം എ​ന്നി​വി​ടങ്ങളിലും പ്ര​ചാര​ണം ന​ടത്തി.

സി.പി.​എം ജില്ലാ സെക്രട്ടറി എസ്.സുദേവൻ, എൽ.ഡി.എഫ് തിരഞ്ഞെടുപ്പ് കമ്മിറ്റി കൺവീനർ കെ.വരദരാജൻ, സി.പി​.എം ജില്ലാ സെക്രട്ടേറിയറ്റ് അംഗം എസ്.ജയമോഹൻ,
സി.പി.ഐ നേതാവ് കെ.രാജു തുടങ്ങി​യ​വർ പ​ങ്കെ​ടുത്തു.