കൊല്ലം: വേണ്ട​ത്ര സു​ര​ക്ഷ സം​വി​ധാന​ങ്ങൾ ഒ​രു​ക്കാതെയുള്ള ദേശീയപാത പുനർ നിർമ്മാണം അ​പ​കട​ങ്ങൾ വർ​ദ്ധി​പ്പി​ക്കുന്നു. തെരുവ് വിളക്കുകളൊക്കെ നീക്കിയതിനാൽ, വഴി തിരിച്ചുവിട്ടത് അറിയാതെ ഇരുചക്ര യാത്രികർ ഉൾപ്പെടെ രാത്രിയിൽ അപകടത്തിൽപ്പെടുന്നത് പതിവായി. ബി.ടെക് വിദ്യാർത്ഥി അടക്കം മൂന്നു പേർക്കാണ് ജില്ലയിൽ ദേശീയപാത നിർമ്മാണം പുരോഗമിക്കുന്ന ഭാഗങ്ങളിൽ ജീവൻ നഷ്ടമായത്.

ഏ​റ്റവും കൂ​ടു​തൽ അ​പ​കട​ങ്ങൾ സം​ഭ​വി​ക്കുന്ന​ത് ദേ​ശീ​യപാ​ത 74ഉം ദേ​ശീ​യ​പാ​ത 66ഉം സം​ഗ​മി​ക്കു​ന്ന കല്ലും​താ​ഴം ജം​ഗ്ഷൻ, കൊ​ട്ടി​യം കിം​സ് ആ​ശു​പ​ത്രി​ക്ക് മുൻ​വശം, ഒറ്റ​ക്കൽ ജം​ഗ്ഷൻ, അ​യത്തിൽ ജം​ഗ്​ഷൻ എ​ന്നി​വി​ട​ങ്ങ​ളി​ലാ​ണ്. ചു​രു​ക്കം ചി​ല ജം​ഗ്​ഷ​നു​കളിൽ മാ​ത്ര​മാണ് ഗ​താ​ഗ​ത നി​യ​ന്ത്ര​ണ​ത്തി​ന് നിർ​മ്മാ​ണ ​ക​മ്പ​നിയുടെ ആൾക്കാരും പൊ​ലീ​സും ഉള്ളത്. ഏറെ വാ​ഹന​ങ്ങൾ കട​ന്നുപോ​കു​ന്ന തി​ര​ക്കേറി​യ ജം​ഗ്​ഷ​നു​കളിൽ ര​ണ്ട് പേ​രെ നി​യ​മി​ക്കു​ന്ന​തി​ന് പ​ക​രം ഒ​രാ​ൾ മാത്രമേ ഉണ്ടാവൂ. ഇ​ത് പ​ല​പ്പോഴും ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​ന്നു​ണ്ട്.

പുനർനിർമ്മാണത്തിന്റെ ഭാഗമായി നിലവിലെ റോഡിന്റെ വീ​തി​ കു​റ​ഞ്ഞതും റോഡിലെ കുഴികളും അപകടകാരണങ്ങളാണ്. പൊ​ടി​ശല്ല്യം സ​മീ​പ​ത്തെ വീട്ടുകാരും സ്ഥാപനങ്ങളും ഇരുചക്രവാഹന യാത്രികരും വലയുന്നു. വീ​തി​കു​റ​ഞ്ഞ ഭാഗത്ത് ബ​സു​കൾ നിറുത്തുമ്പോൾ ഓവർടേക്ക് ചെയ്യുന്ന വാഹനങ്ങൾ എതി​രെ വരുന്ന വാഹനങ്ങളി​ൽ ഇടി​ച്ചുള്ള അപകടങ്ങളും കൂടുന്നുണ്ട്. സു​ര​ക്ഷ മാ​ന​ദണ്ഡ​ങ്ങൾ നിർ​മ്മാ​ണ​ ക​മ്പ​നി​ അ​ധി​കൃ​തർ പാ​ലി​ക്കാതി​രുന്നി​ട്ടും പൊലീസ് നടപടി​ എടുക്കുന്നി​ല്ലെന്ന് ആക്ഷേപമുയരുന്നു.

ഇ​രുട്ടിൽ വലയുന്നു

ബൈപ്പാസി​ൽ മ​തിയാ​യ വെ​ളി​ച്ച​മില്ലാ​ത്ത​തി​നാൽ യാ​ത്രക്കാർ ഇ​രു​ട്ടിൽ ത​പ്പി​ത്തടയുകയാണ്. റോ​ഡ് പ​ണി​ക്കെ​ടു​ത്ത കു​ഴി​ക​ളു​ടെ തൊട്ടടുത്തെത്തുമ്പോഴാണ് ഇവ കാണുന്നത്. ഇവി​ടങ്ങളി​ൽ മുന്നറി​യി​പ്പ് ബോർഡുകളുമി​ല്ല. റോ​ഡി​ലേ​ക്ക് ഇ​റ​ക്കി​യി​ട്ടി​രി​ക്കു​ന്ന നിർ​മ്മാ​ണ സാ​മ​ഗ്രി​കളിൽ ത​ട്ടിയും അ​പ​കട​ങ്ങൾ ഉ​ണ്ടാ​കു​ന്നു​ണ്ട്.