കൊല്ലം: ലോക്‌​സഭ തിരഞ്ഞെടുപ്പ് സമ്പൂർണ ഹരിതചട്ടം പാലിച്ച് പ്രകൃതിസൗഹൃദമെന്ന് ഉറപ്പാക്കാൻ കൈപ്പുസ്തകം വിതരണം ചെയ്യു​മെന്ന് ജില്ലാ തിരഞ്ഞെടുപ്പ് ഓഫീസർ കൂടി​യാ​യ കളക്ടർ എൻ.ദേവിദാസ്.

സംശയനിവാരണമാണ് മുഖ്യലക്ഷ്യം. ശാസ്ത്രീയ രീതിയിലുള്ള ഹരിത ക്രമീകരണ​ങ്ങളും കൈ​പ്പു​സ്​തകത്തിൽ വിവരിക്കുന്നു​ണ്ട്. നിരീക്ഷണത്തിന് പ്രത്യേക സംവിധാ​നവും ഹരിതചട്ടപാലനം ഉറപ്പാക്കുന്നതിന് വിവിധതലങ്ങളിൽ പ്രത്യേക സമിതികളെയും നിയോഗിച്ചു.

പോളിംഗ് ഉദ്യോഗസ്ഥർക്കും ഏജന്റുമർക്കുമുള്ള ഭക്ഷണപദാർത്ഥങ്ങൾ, കുടിവെള്ളം മുതലായവയ്ക്ക് പ്ലാസ്റ്റിക് ബോട്ടിലുകൾ, കണ്ടെയ്‌നറുകൾ എന്നിവ പാടില്ലെന്നും കളക്ടർ അറിയിച്ചു.

പ്രധാ​ന നിർ​ദേശങ്ങൾ
 പ്ലാസ്റ്റിക് ഒഴിവാക്കി കോട്ടൺ, പേപ്പർ, പോളി എത്തിലീൻ പ്രചാരണ ബോർഡുകൾ ഉപയോഗിക്കുക

 കുടിവെള്ളം ശേഖരിക്കേണ്ടത് സ്റ്റീൽ ബോട്ടിലുകളിൽ

 വാഹനാലങ്കാരം പ്രകൃതി സൗഹൃദ വസ്തുക്കൾകൊണ്ട് മാത്രം

 പോളിംഗ് ബൂത്തുകളിൽ മാലിന്യം തരം തിരിച്ച് നിക്ഷേപിക്കാൻ ബിന്നുകൾ

 പ്രചാരണ സാമഗ്രികൾ ശാസ്ത്രീയമായി സംസ്​കരിക്കണം
 മാലിന്യനീക്കത്തിന് ഹരിത കർമ്മ സേനയുടെ സേവനം പ്രയോജനപ്പെടുത്തണം