ജി​ല്ലയി​ൽ പുറത്തായത് 5,590 കാർഡ് ഉ​ട​മ​കൾ

കൊല്ലം: തുടർച്ചയായി​ മൂന്നു മാസം റേഷൻ വാങ്ങാതി​രുന്ന, ജി​ല്ലയി​ലെ മുൻ​ഗണ​നാ വി​ഭാ​ഗ​ത്തി​ൽപ്പെട്ട 5,590 കാർഡ് ഉ​ട​മ​കൾ പുറത്ത്. ഇക്കാര്യം സിവിൽ സ​പ്ലൈ​സ് വ​കു​പ്പി​ന്റെ വെ​ബ്‌​സൈറ്റിൽ പ്ര​സി​ദ്ധീ​ക​രി​ച്ചു. അനർഹരെ മുൻഗണന ലിസ്റ്റിൽ നിന്ന് പുറത്താക്കണമെന്ന സർക്കാർ നിർദ്ദേശ​ത്തി​ന്റെയും നി​രവധി​ ​പ​രാ​തി​ക​ളു​ടെയും അ​ടി​സ്ഥാ​ന​ത്തി​ലാ​ണ് ഇ​വരെ ഒ​ഴി​വാ​ക്കി​യത്.

പി.എച്ച്.എച്ച് (പിങ്ക്) വിഭാഗത്തിൽ നിന്ന് 5101ഉം എ.എ.വൈ (മഞ്ഞക്കാർഡ്) വിഭാഗത്തിൽ നി​ന്ന് 480ഉം നീലക്കാർഡ് വിഭാഗത്തിൽ നിന്ന് 9ഉം കാർഡുടമകളാണ് പുറത്തായത്. മൂന്നുമാസം തുടർച്ചയായി റേഷൻ വാങ്ങാത്തവരുടെ വിവരങ്ങൾ ശേഖരിച്ച ശേഷം റേഷനിംഗ് ഇൻസ്‌​പെക്ടർമാർ പരിശോ​ധ​ന നട​ത്തി അ​ധി​കൃ​തർക്ക് റിപ്പോർട്ട് നൽകി​യതിന്റെ അടിസ്ഥാനത്തിലാണ് നടപ​ടി. പുറത്തായവർക്ക് പകരം അർഹരെ ഉൾപ്പെടുത്തുമെന്ന് അ​ധി​കൃ​തർ അ​റി​യി​ച്ചു.

കൂ​ടു​തൽ കൊല്ല​ത്ത്, കുറ​വ് പു​ന​ലൂരിൽ

അ​നർ​ഹ​മാ​യി മുൻ​ഗ​ണ​നാ​ലി​സ്റ്റിൽ ഉൾ​പ്പെ​ട്ടവ​രി​ൽ കൂ​ടു​തലും കൊല്ലം താ​ലൂക്കിൽ നി​ന്നു​ള്ള​വ​രാ​ണ്. 2745 പി.എച്ച് എച്ച്, 216 എ.എ.വൈ, 3 എൻ.പി.എസ് കാർഡുകൾ കൊല്ലം താലൂക്കി​ൽ റദ്ദാക്കി. ഏറ്റവും കുറഞ്ഞ അനർഹരുള്ള പുനലൂർ താലൂക്കിൽ 187 പി.എച്ച്.എ​ച്ച്, 51 എ.എ.വൈ (മഞ്ഞ) കാർഡുകാർ പുറത്തായി​.

മുൻ​ഗ​ണ​നയ്ക്ക് അർഹതയി​ല്ലാത്തവർ

 ഡോക്ടർമാർ, സ്വന്തമായി കാറുള്ളവർ

 25,000രൂപയ്ക്ക് മുകളിൽ മാസവരുമാനമുള്ളവർ

 വിദേശത്ത് ജോലിചെയ്യുന്നവർ

 ഒന്നിലധികം വീടുള്ളവർ

 1000ചതുരശ്ര അടിക്ക് മുകളിൽ വിസ്തീർണമുള്ള വീടുള്ളവർ

അ​നർ​ഹ​മാ​യി മുൻ​ഗണ​നാ കാർ​ഡു​കൾ കൈവ​ശം വ​ച്ചി​രി​ക്കു​ന്ന​വ​രെ​ക്കു​റിച്ച് നി​രവ​ധി പ​രാ​തി​കൾ ല​ഭി​ക്കു​ന്നു​ണ്ട് . പ​രാ​തി​കളിൻമേൽ നടപടി​ ഉണ്ടാവും

ജില്ലാ സ​പ്ലൈ ഓ​ഫീ​സ് അ​ധി​കൃതർ