കൊല്ലം: കു​ണ്ട​റയിൽ ഭാ​ര്യ​യെയും ര​ണ്ടു മ​ക്ക​ളെയും വി​ഷം കു​ത്തിവ​ച്ച് കൊ​ല​പ്പെ​ടുത്തി​യ കേ​സി​ന്റെ ശിക്ഷാ വി​ധി പ്ര​ഖ്യാ​പി​ക്കുന്നത് 30ലേക്ക് മാ​റ്റി. കേ​സി​ലെ അന്തി​മ വാ​ദം ഇന്ന​ലെ പൂർ​ത്തി​യായി.

കൊല്ലം നാലാം അഡീഷണൽ സെഷൻസ് കോടതിയിലാണ്​ കേസ് പരിഗണിക്കുന്നത്​. തി​ങ്ക​ളാഴ്​ച വി​ധി പ്ര​ഖ്യാ​പി​ക്കു​മെ​ന്ന് അ​റി​യി​ച്ചി​രു​ന്നെ​ങ്കിലും കേസിൽ കൂ​ടു​തൽ വാ​ദം കേൾ​ക്കാനായാണ് ഇ​ന്ന​ല​ത്തേ​ക്ക് മാ​റ്റി​യ​ത്.

പ്രതിയായ മൺറോത്തുരുത്ത് പെരുങ്ങോലം എറോപ്പിൽ വീട്ടിൽ അജി എന്ന എഡ്വേഡ് (42) കുറ്റക്കാരാനാണെന്ന് കോടതി നേരത്തെ കണ്ടെത്തിയിരുന്നു. ഇ​യാ​ളു​ടെ ഭാര്യ വർഷ (26), മക്കളായ അ​ലൻ (രണ്ട്), ആരവ് (മൂന്ന് മാസം) എന്നി​വ​രെ വി​ഷം കു​ത്തി വ​ച്ച് കൊ​ല​പ്പെ​ടു​ത്തി​യെ​ന്നാ​ണ് കേ​സ്. എഡ്വേഡിനെ ഇന്നലെ കോടതിയിൽ ഹാജരാക്കിയിരുന്നു. എന്നാൽ വാദം കേട്ടതിന് ശേഷം കേസ് 30​ലേക്ക് മാറ്റുകയായിരു​ന്നു. 2021 മേ​യ് 11നാ​യി​രു​ന്നു സം​ഭ​വം.

നിയമപരമായ ഒരുപാട് കാര്യങ്ങൾ കേസിൽ പരിശോധിക്കേണ്ടതുണ്ടെന്നും അപൂർവങ്ങളിൽ അപൂർവമായ സംഭവമായതിനാൽ വധശിക്ഷ തന്നെ നൽകണമെന്ന് സ്‌പെഷ്യൽ പബ്ലിക് പ്രോസിക്യൂട്ടർ ഷറഫുന്നിസാബീഗം ആവശ്യപ്പെട്ടു. പ്രതിയുടെ മാന​സി​ക നി​ലയു​മാ​യി ബ​ന്ധ​പ്പെട്ട് റിപ്പോർ​ട്ട് കോടതിയിൽ സമർപ്പിച്ചിട്ടു​ണ്ട്.

ഭാ​ര്യ​യു​ടെ മേ​ലു​ള്ള സം​ശ​യ​മാ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്നാണ് പൊ​ലീ​സ് കണ്ടെ​ത്തി​യി​രുന്ന​ത്. വിധി കേൾക്കാൻ കൊല്ലപ്പെട്ട വർഷയുടെ അമ്മ ശോഭയും അച്ഛൻ ബാബു ആന്റണി, എട്ട് വയസുകാരിയായ മൂത്തമകളും എഡ്വേഡിന്റെ ബന്ധുക്കളും കോടതിയിൽ എത്തിയിരു​ന്നു.