 തിരിഞ്ഞു നോക്കാതെ പഞ്ചായത്ത് അധികൃതർ

അഞ്ചാലുംമൂ​ട്: കോടികൾ ചെലവഴിച്ച് നവീകരിച്ച തൃ​ക്കരുവ ഗ്രാമപഞ്ചായത്ത് മിനി സ്റ്റേഡിയം കാട് കയറി ന​ശി​ച്ചിട്ടും അ​ധി​കൃ​തർ തി​രി​ഞ്ഞു നോ​ക്കു​ന്നി​ല്ലെന്ന് പരാതി. സ്റ്റേ​ഡി​യ​ത്തി​ന​കത്തും പു​റ​ത്തും ഒരാൾ പൊ​ക്ക​ത്തി​ൽ കാ​ട് വ​ളർ​ന്നു നിൽക്കാൻ തുടങ്ങിയിട്ട് മാസങ്ങളായി. ഗേ​റ്റു​കളും ഇ​ള​കി​യ​നി​ല​യിലാണ്. മൂന്ന് വർഷം മുമ്പ് എം.മുകേഷ് എം.എൽ.എയുടെ ആസ്തിവികസന ഫണ്ടിൽനിന്ന് 1.40 കോടി രൂപ അനുവദിച്ച് നവീകരണം നടത്തി സ്‌​റ്റേഡിയത്തിൽ ഓപ്പൺ എയർ ഓഡിറ്റോറിയം, ഡ്രസിംഗ് റൂം, ഗാലറി, കമ്പി ഉപയോഗിച്ചുള്ള ചുറ്റുവേലി, ഹൈമാസ്റ്റ് ലൈറ്റുകൾ തുടങ്ങിയവ സ്ഥാ​പി​ച്ചിരുന്നു. എന്നാൽ വേ​ണ്ട​രീ​തിയിൽ പ​രി​പാ​ലി​ക്കാ​തായതോടെ ഇ​വയെല്ലാം ഇപ്പോൾ നശിച്ച നിലയിലാണ്.

സ്‌​റ്റേ​ഡി​യത്തിൽ രാ​വി​ലെ വ്യായാ​മ​ത്തി​നെ​ത്തുന്ന​വർ വളർന്നു നിൽക്കുന്ന കാ​ടി​നുള്ളിൽ കൂ​ടി ന​ട​ക്കേ​ണ്ട അ​വ​സ്ഥ​യാ​ണ്. ക​ഴി​ഞ്ഞ വർ​ഷം കേ​ര​ളോ​ത്സ​വ​ത്തി​ന്റെ കായി​ക മ​ത്സര​ങ്ങൾ സ്‌​റ്റേ​ഡി​യത്തിൽ ന​ടത്താൻ നി​ശ്ച​യി​ച്ചി​രു​ന്നെ​ങ്കി​ലും മ​ഴ​യിൽ സ്‌​റ്റേ​ഡി​യം മുഴുവൻ ചെ​ളി​ക്കുളമാ​യ​തിനാൽ മ​ത്സര​ങ്ങൾ നടത്തിയില്ല.

സാമൂഹ്യവിരുദ്ധ ശല്യവും

സാമൂഹ്യവിരുദ്ധർ സ്റ്റേഡിയം താവളമാക്കിയതോടെ സന്ധ്യമയങ്ങിയാൽ സ്ത്രീകളും കുട്ടികളും അടക്കമുള്ളവർക്ക് ഇത് വഴി കടന്ന് പോകാനാകാത്ത സ്ഥിതി​യാ​ണെ​ന്നും ലഹരിസംഘങ്ങളും ഇവിടെ തമ്പടിക്കാ​റു​ണ്ടെ​ന്നും നാ​ട്ടുകാർ പ​റയുന്നു. എ​ത്ര​യു​വേ​ഗം സ്‌​റ്റേ​ഡി​യ​ത്തി​ലെ ത​കർ​ന്ന ഗേറ്റും കാ​ട്​മൂ​ടി​ക്കിട​ക്കു​ന്ന ഭാ​ഗവും വെ​ട്ടി വൃ​ത്തി​യാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. എന്നാൽ സ്റ്റേഡിയം കാ​ട് കയ​റി ന​ശി​ക്കു​ക​യാ​ണെ​ന്ന ആ​ക്ഷേപ​ങ്ങൾ അ​ടി​സ്ഥാ​ന​ര​ഹി​തവും രാ​ഷ്​ട്രീ​യ​ പ്രേ​രി​ത​വു​ണ​മാ​ണെന്നാണ് പഞ്ചായത്ത് അധികൃതരുടെ വിശദീകരണം.

സ്‌​റ്റേ​ഡി​യത്തിൽ എം.മു​കേ​ഷ് എം.എൽ.എ​യു​ടെ വിക​സ​ന ഫ​ണ്ട് ഉ​പ​യോ​ഗിച്ച് മൾ​ട്ടി കോർ​ട്ട് , ഓ​പ്പൺ ജിം, ചിൽ​ഡ്രൻ​സ് പാർക്ക് എന്നി​വ നിർ​മ്മി​ക്കു​ന്ന​തി​നു​ള്ള ന​ട​പ​ടി​കൾ അ​വസാ​ന ഘ​ട്ട​ത്തി​ലാ​ണ്. ഒ​രു കോ​ടി രൂ​പ അ​നു​വ​ദി​ക്കുയും ടെ​ണ്ടർ ന​ട​പ​ടി​കൾ പൂർ​ത്തി​യാ​ക്കു​കയും ചെ​യ്​തി​രുന്നു. തി​ര​ഞ്ഞെ​ടു​പ്പ് ക​ഴി​ഞ്ഞാൽ ഉ​ടൻ ഇ​വ​യു​ടെ പ​ണി ആ​രം​ഭി​ക്കും.

അ​ജ്മീൻ എം. ക​രു​വ

തൃ​ക്കരു​വ പ​ഞ്ചായ​ത്ത് വിക​സ​ന

കാ​ര്യ സ്​റ്റാൻഡിംഗ് ക​മ്മി​റ്റി ചെ​യർമാൻ