കൊല്ലം: രാഷ്ട്രീയ പാർട്ടികൾ വിശ്വകർമ്മജരെ വഞ്ചിക്കുകയാണെന്ന് അഖില കേരള വിശ്വകർമ്മ മഹാസഭ സംസ്ഥാന പ്രസിഡന്റ് വി. സുധാകരൻ പറഞ്ഞു. കൊല്ലം താലൂക്ക് യൂണിയൻ സമ്മേളനം ഉദ്ഘാടനം ചെയ്യുകയായി​രുന്നു അദ്ദേഹം. കേരള ഹിന്ദു സമൂഹത്തിലെ മൂന്നാം ശക്തിയായ വിശ്വകർമ്മ നേതാക്കൾക്ക് പാർലമെന്റ് തി​രഞ്ഞെടുപ്പിൽ സ്ഥാനാർത്ഥിത്വം നൽകാതെ ജനസംഖ്യാനുപാതികനീതി നിഷേധിക്കുകയാണെന്നും അദ്ദേഹം പറഞ്ഞു. സംസ്ഥാന ജനറൽ സെക്രട്ടറി ടി​.കെ. സോമശേഖരൻ അദ്ധ്യക്ഷത വഹിച്ചു. അഡ്വ. പി.രഘുനാഥൻ മുഖ്യപ്രഭാഷണം വഹിച്ചു. ആറ്റൂർ ശരച്ചന്ദ്രൻ, കെ.സി. പ്രഭ, കെ.ശിവശങ്കരൻ എന്നിവർ സംസാരിച്ചു. ഭാരവാഹികൾ: കെ.പ്രസാദ് (പ്രസിഡന്റ്), കെ.സി.പ്രഭ,ഷണ്മുഖൻ (വൈസ് പ്രസിഡന്റുമാർ), സി.ജി.പ്രദീപ്കുമാർ (സെക്രട്ടറി), ആശ്രാമം സുനിൽകുമാർ, വെള്ളിമൺ സുകുമാരൻ ആചാരി (ജോയിന്റ് സെക്രട്ടറി), പി. വിജയബാബു (ട്രഷറർ).