കു​ള​ത്തൂ​പ്പു​ഴ: ഡ​യാ​ലി​സി​സ് രോ​ഗി​യാ​യ ആ​ദി​വാ​സി യു​വ​തി​ക്ക് നാ​ട്ടു​കാർ നിർ​മ്മി​ച്ചു നൽ​കി​യ​ വഴി വ​നം വാ​ച്ചർ കെ​ട്ടി അ​ട​ച്ച​തായി പരാതി. കു​ള​ത്തൂ​പ്പു​ഴ അ​മ്പ​തേ​ക്കർ വി​ല്ലു​മ​ല ആ​ദി​വാ​സി ഊ​രിൽ പ്രി​ജി​ഭ​വ​നിൽ പ്രി​ജി (42)യു​ടെ വീ​ട്ടി​ലേ​ക്കുള്ള വ​ഴി​യാ​ണ് സ​മീ​പ പു​ര​യി​ടം ഉ​ട​മയായ വാച്ചർ കെ​ട്ടി​യ​ട​ച്ച​ത്.

ആ​ഴ്​ച​യിൽ മൂ​ന്നു ദി​വ​സം പു​ന​ലൂർ താ​ലൂ​ക്ക് ആ​ശു​പ​ത്രി​യിൽ ഡ​യാ​ലി​സി​സി​ന് കൊ​ണ്ടു​പോ​കാൻ ഗ​താ​ഗ​ത സൗ​ക​ര്യ​മി​ല്ലാ​ത്ത​തി​നാൽ ഏ​റെ ദു​രി​ത​ത്തി​ലാ​യി​രു​ന്നു ​പ്രി​ജി.
നാ​ട്ടു​കാർ തോ​ളി​ലേ​റ്റി​യാ​ണ് പ്ര​ജി​യെ വാ​ഹ​നമെത്തുന്ന റോഡ് വരെ എ​ത്തി​ച്ചി​രു​ന്ന​ത്. ഈ ദു​രി​ത​ജീ​വി​ത​ത്തി​ന് അ​റു​തി​യാ​യി​ട്ടാ​ണ് നാ​ട്ടു​കാർ ഇ​ട​പെ​ട്ട് വീ​ട്ടു​പ​ടി​ക്കൽ വാ​ഹ​നം എ​ത്തി​ക്കു​ന്ന​തി​നു​വേ​ണ്ട വഴി​യൊ​രു​ക്കി നൽ​കി​യ​ത്.

താ​ലൂ​ക്ക് സർവേ വി​ഭാ​ഗം സർ​വേ ​ന​ട​പ​ടി പൂർ​ത്തി​യാ​ക്കി പ​ട്ട​യം അ​നു​വ​ദി​ച്ച​പ്പോൾ ഗ​താ​ഗ​ത ആ​വ​ശ്യ​ത്തി​നാ​യി മാ​റ്റി​യി​ട്ടി​രു​ന്ന ഭൂ​മി​യി​ലാ​ണ് നാ​ട്ടു​കാർ പാ​ത​യോ​രു​ക്കി നൽ​കി​യ​ത്. ഈ വ​ഴി​യാ​ണ് കു​ള​ത്തൂ​പ്പു​ഴം വ​നം റേഞ്ചിലെ വ​ന​പാ​ല​കൻ കെ​ട്ടി​യ​ട​ച്ച​ത്. പ്ര​ജി ആ​ശു​പ​ത്രി​യിൽ പോ​യ​സ​മ​യ​ത്താ​യി​രു​ന്നു വ​ന​ത്തിൽ നി​ന്നും കാ​ട്ടു​ക​മ്പു​ക​ളും ത​ക​ര​ഷീ​റ്റും സ്ഥാ​പി​ച്ച് പാ​ത കൈ​യേ​റി​യ​ത്. വ​ന​പാ​ല​കൻ കാ​ട്ടി​നു​ള്ളിൽ അ​ന​ധി​കൃ​ത​മാ​യി ക​ട​ന്ന് തൈ​മ​ര​ങ്ങൾ മു​റി​ച്ച് വേ​ലി​സ്ഥാ​പി​ച്ച് പൊ​തു ഗ​താ​ഗ​തം ത​ട​സ​പ്പെ​ടു​ത്തി​യ​ത് സം​ബ​ന്ധി​ച്ച് പ​രാ​തി നൽ​കി​യി​ട്ടും അ​ധി​കൃ​തർ ന​ട​പ​ടി​യെടുത്തില്ല.