ഒരു മാസത്തിനിടെ ചികിത്സ തേടിയത് 9,910 പേർ

കൊല്ലം: കൊടും ചൂടിനൊപ്പം പ​കർ​ച്ച വ്യാ​ധി​കളും വൈ​റൽ പ​നിയും ജില്ലയിൽ പി​ടി​മു​റു​ക്കുന്നു. ഒ​രു​ മാ​സ​ത്തി​നി​ടെ പ​കർ​ച്ച വ്യാ​ധി​കൾ ബാ​ധി​ച്ച് ചി​കി​ത്സ​ തേ​ടി​യ​വ​രു​ടെ എ​ണ്ണം 9,910 ആണ്.

നിലവിൽ, സം​സ്ഥാന​ത്ത് ഏ​റ്റവും അ​ധി​കം ചൂ​ട് അ​നു​ഭ​വ​പ്പെ​ടു​ന്ന ജില്ല​ക​ളി​ലൊ​ന്നാ​ണ് കൊല്ലം. ര​ണ്ടാ​ഴ്​ച​യാ​യി 39- 40 ഡി​ഗ്രിയാണ് ചൂട്. വിവി​ധ ത​രം ത്വ​ക്ക് രോഗ​ങ്ങൾ വ്യാപിക്കുന്നതിനിടെയാണ് പ​കർ​ച്ച​വ്യാ​ധി​ക​ളും രൂക്ഷമായത്. ഒരു മാ​സ​ത്തി​നി​ടെ 150ലേ​റെ പേ​ർ ഡെ​ങ്കിപ്പ​നി ബാ​ധി​ച്ച് ചി​കി​ത്സ തേ​ടി​. എലിപ്പനി, കൊവിഡ്, എച്ച് വൺ എൻ വൺ, മലമ്പനി, റാബിസ്, ചിക്കൻ പോക്‌​സ്, മ​ലേ​റിയ, ചെ​ങ്ക​ണ്ണ്, ബ്രൂ​സെ​ലോ​സിസ്, ഷി​ഗല്ല, മ​ഞ്ഞ​പ്പിത്തം, വ​യ​റിളക്കം എന്നി​വയും റി​പ്പോർ​ട്ട് ചെ​യ്​തി​ട്ടു​ണ്ട്. മാർച്ചിൽ മ​ഴ ​കാ​ര്യ​മാ​യി ല​ഭി​ക്കാ​തി​രു​ന്നി​ട്ടും ഡെ​ങ്കിപ്പ​നി ഉൾ​പ്പെ​ടെ​യു​ള്ളവ പ​ട​രുന്ന​ത് ജാ​ഗ്ര​ത​യോ​ടെ​യാ​ണ് ആ​രോ​ഗ്യ വ​കു​പ്പ് അ​ധി​കൃ​തർ കാ​ണു​ന്ന​ത്. ക​ഴി​ഞ്ഞ 13നും 17നും സം​സ്ഥാന​ത്ത് ഏ​റ്റവും അ​ധി​കം ഡെ​ങ്കി​പ്പ​നി റി​പ്പോർ​ട്ട് ചെ​യ്ത​ത് കൊല്ല​ത്താ​ണ്. ഇ​ര​വി​പുരം, ശ​ക്തി​കു​ള​ങ്ങ​ര ഭാ​ഗ​ങ്ങ​ളി​ലാ​ണ് ഡെ​ങ്കി പടർന്നു പിടിക്കുന്നത്. ശ​ക്തി​കു​ളങ്ങ​ര, പേ​രയം, കുണ്ട​റ, പി​റ​വന്തൂർ, ശൂ​ര​നാ​ട്, കി​ളി​കൊല്ലൂർ, തെ​ക്കും​ഭാഗം, വെ​സ്​റ്റ് കല്ല​ട എ​ന്നി​വി​ട​ങ്ങ​ളിലും ഒ​രു​മാ​സ​ത്തി​നി​ടെ ഡെ​ങ്കിപ്പ​നി ബാ​ധി​ത​രു​ടെ എ​ണ്ണത്തിൽ വർ​ദ്ധ​ന​വു​ണ്ട്. ക​ടു​ത്ത ചൂ​ട് മൂ​ലം നിർ​ജ​ലീ​ക​ര​ണ​ത്തി​ന് സാദ്ധ്യ​ത ഉ​ള്ള​തിനാൽ ജാഗ്ര​ത പാ​ലി​ക്ക​ണ​മെന്ന് ആ​രോ​ഗ്യ​വ​കു​പ്പ് അ​ധി​കൃ​തർ പ​റ​യു​ന്നു.

എലിപ്പനി

ജില്ലയിൽ ഒൻപ​ത് പേരാ​ണ് എ​ലി​പ്പ​നി​ ബാ​ധി​ച്ച് അടുത്തിടെ ചി​കി​ത്സ​ തേ​ടി​യ​ത്. മൈ​നാ​ഗ​പ്പള്ളി, ഓ​ച്ചി​റ, തേ​വ​ലക്ക​ര, ചാ​ത്തന്നൂർ, കി​ളി​കൊല്ലൂർ മേഖലകളിലാണ് എ​ലി​പ്പ​നി കൂ​ടു​ത​ലാ​യി റി​പ്പോർ​ട്ട് ചെ​യ്​തി​ട്ടു​ള്ള​ത്. ക​ഴി​ഞ്ഞ​മാ​സം കുമ്മിൾ ഭാഗ​ത്ത് ക​ന്നു​കാ​ലി​കളിൽ ബ്രൂ​സെ​ലോ​സി​സ് രോ​ഗവും ക​ണ്ടെ​ത്തി​യി​രു​ന്നു. കന്നുകാലികളുമായി ഇടപഴകുന്നവർക്കിടയിലാണ് ബ്രൂസലോസിസ് പടരുന്ന​ത്.

ചി​ക്കൻ​പോക്സ്

ഒ​രു​മാ​സ​ത്തി​നി​ടെ ജില്ലയിൽ 125 പേർ​ക്കാ​ണ് ചി​ക്കൻ​പോ​ക്‌​സ് ബാധിച്ചത്. വാരിസെല്ല സോസ്റ്റർ എന്ന വൈറസാണ് രോഗം പരത്തുന്നത്. രോഗാരംഭത്തിൽ തല ഉൾപ്പെടെയുള്ള ഭാഗങ്ങളിൽ ചെറിയ ചുവന്ന തടിപ്പുകൾ പ്രത്യക്ഷപ്പെടും. തലയിലും ഉടലിലുമാണ് കൂടുതലും കാണപ്പെടുക. വായുവിലൂടെയാണ് രോഗം പ​ക​രുന്നത്. ചി​ക്കൻ പോ​ക്‌സി​നെ​തി​രെ ജാഗ്ര​ത പാ​ലി​ക്ക​ണ​മെ​ന്നാ​ണ് ആ​രോ​ഗ്യ വ​കു​പ്പ് അ​ധി​കൃ​തരുടെ മുന്നറിയിപ്പ്.

ചിക്കൻ പോക്സ് ലക്ഷണങ്ങൾ

കടുത്ത പനി, തലവേദന, തൊണ്ടവേദന, ഛർ​ദ്ദി, വിശപ്പില്ലായ്മ, ക്ഷീണം, ശരീരത്തിൽ ചൊറിച്ചിലും ചുവന്ന പാടുകളും

.......................................

ജില്ലയിൽ ഒ​രു​മാ​സ​ത്തി​നി​ടെ പകർച്ചവ്യാധി ചി​കി​ത്സ തേ​ടി​യ​വ​രു​ടെ എണ്ണം: 9,910

കിട​ത്തി ചി​കി​ത്സ​യ്​ക്കു വി​ധേ​യ​രാ​യവർ: 136

ഡെ​ങ്കി​ ബാ​ധിതർ: 104

ചി​ക്കൻ പോ​ക്‌​സ് ബാ​ധിതർ: 125

എ​ലിപ്പനി ​ബാ​ധിതർ: 9