കൊല്ലം: കല്ലുവാതുക്കൽ സമുദ്ര ചാരിറ്റബിൾ ട്രസ്റ്റിന്റെയും ഏഷ്യയിലെ പ്രമുഖ നേത്രചികിത്സാ സ്ഥാപനമായ തിരുനെൽവേലി അരവിന്ദ് കണ്ണാശുപത്രിയുടെയും കൊല്ലം ജില്ലാ അന്ധത കാഴ്ചവൈകല്യ നിയന്ത്രണ പരിപാടിയുടേയും (എൻ.പി.സി.ബി ആൻഡ് വി വൺ) സംയുക്താഭിമുഖ്യത്തിൽ 48-ാമത് സൗജന്യ നേത്ര ചികിത്സാ ക്യാമ്പും തിമിര ശസ്ത്രക്രിയയും സംഘടിപ്പിച്ചു. കല്ലുവാതുക്കൽ യു.പി സ്കൂളിൽ നടന്ന ക്യാമ്പ് ടെലിവിഷൻ താരം വിന്ധുജ വിക്രമൻ ഉദ്ഘാടനം ചെയ്തു. സമുദ്ര ചാരിറ്റബിൾ ട്രസ്റ്റ്‌ ചെയർമാൻ റുവൽ സിംഗ്, സമുദ്രതീരം പ്രസിഡന്റ് ശരത് ചന്ദ്രൻപിള്ള, ജയഘോഷ് പട്ടേൽ, സമുദ്ര ലൈബ്രറി ആർട്സ് ആൻഡ് സ്പോർട്സ് ക്ലബ് പ്രസിഡന്റ് ആർ.രജീഷ്, ബൂപേഷ്, ലിജു, അരവിന്ദ് കണ്ണാശുപത്രി ക്യാമ്പ് കോർഡിനേറ്റർ ഹേമചന്ദ്രൻ, ഡോ.പാർവതി, ഡോ.ശ്രീധർ, ഡോ.സായി ലക്ഷ്മി തുടങ്ങിയവർ ക്യാമ്പിന് നേതൃത്വം നൽകി. 650ൽ അധികം ആളുകൾ പങ്കെടുത്ത ക്യാമ്പിൽ നിന്നു 195 പേരെ തിമിരശസ്ത്രക്രിയയ്ക്കായി തിരുനെൽവേലി അരവിന്ദ് കാണാശുപത്രിയിലേക്കയച്ചു.