അ​ഞ്ചാ​ലും​മൂ​ട്: വേനൽ കടുത്തതോടെ കുടിവെള്ളത്തിനായി നെട്ടോട്ടമോടുകയാണ് പനയം പ​ഞ്ചാ​യ​ത്തി​ലെ മൂ​ന്ന് വാർ​ഡു​ക​ളിലെ 1000ത്തോ​ളം കു​ടും​ബ​ങ്ങൾ. താ​ന്നി​ക്ക​മു​ക്ക്, പാ​മ്പാലിൽ, ക​ണ്ടച്ചി​റ എ​ന്നീ വാർഡുകളിലാണ് ആഴ്ചകളായി കു​ടി​വെ​ള്ളം കി​ട്ടാ​ക്ക​നി​യാ​യിരിക്കുന്നത്. പന​യം പ​ഞ്ചാ​യ​ത്തി​ലെ മറ്റ് ഭാഗ​ങ്ങളിലും കുടിവെള്ള ക്ഷാമം രൂ​ക്ഷമാണ്.

കു​ടി​വെ​ള്ള പ്ര​ശ്‌​ന​ത്തി​ന് പ​രി​ഹാ​ര​മാ​യി ക​ണ്ടച്ചി​റ ഭാഗ​ത്ത് കേ​ടാ​യ പഴയ കു​ഴൽ​ക്കിണ​റി​ന് പക​രം പുതി​യ കു​ഴൽ​കി​ണർ ആ​റ് മാ​സം മുമ്പ് എം.എൽ.എ ഫ​ണ്ട് ഉ​പ​യോ​ഗിച്ച് നിർ​മ്മി​ച്ചി​രു​ന്നു. എ​ന്നാൽ കു​ഴൽ​ക്കി​ണർ പ്ര​വർ​ത്തി​ക്കു​ന്ന​തി​ന് ആ​വ​ശ്യ​മാ​യ പ​മ്പ് സെറ്റ് എത്തിക്കാതായതോടെ പ്ര​ദേ​ശ​ങ്ങ​ളിൽ വെ​ള്ളം പ​മ്പ് ചെയ്യാൻ കഴിയാത്ത സ്ഥിതിയാണ്.

നി​ല​വിൽ ദൂ​ര​സ്ഥ​ല​ങ്ങളിൽ പോ​യി കു​ടി​വെ​ള്ളം ശേ​ഖ​രി​ച്ചാണ് വാർ​ഡു​ക​ളി​ലെ കുടുംബങ്ങൾ ഉപയോഗിക്കുന്നത്. ദൈനംദിന ആവശ്യങ്ങൾക്ക് പോലും വെള്ളം തികയുന്നില്ലെന്നാണ് പ്രദേശവാസികളുടെ പരാ​തി. മൂ​ന്ന് വാർ​ഡു​ക​ളി​ലു​മു​ള്ള കു​ടുംബ​ങ്ങൾക്ക് ഭക്ഷ​ണം പാ​കം ചെയ്യാൻ പോ​ലും വെള്ളം ലഭിക്കാത്ത സ്ഥിതിയാണ്.

വെള്ളം വിലകൊടുത്ത് വാങ്ങണം

ദൈ​നം​ദി​ന​ ആ​വ​ശ്യ​ങ്ങൾക്കും മറ്റും വലി​യ വി​ല​കൊ​ടു​ത്ത് സ്വ​കാ​ര്യ​ടാ​ങ്ക​റു​കളിൽ നി​ന്ന് വെ​ള്ളം വാ​ങ്ങേ​ണ്ട അ​വ​സ്ഥ​യാ​ണ്. ഇ​ത് മൂ​ലം ന​ടു​വൊ​ടി​ക്കു​ന്ന കു​ടും​ബ ബ​ഡ്​ജ​റ്റി​നൊ​പ്പം കു​ടി​വെ​ള്ള​ത്തി​ന് മാ​ത്ര​മാ​യി ഭീ​മമാ​യ തു​ക കണ്ടെ​ത്തേ​ണ്ടി വരുന്നു. കു​ടി​വെ​ള്ള​ക്ഷാ​മ​ത്തി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ട് പ്ര​ക്ഷോ​ഭ​ത്തി​നൊ​രു​ങ്ങു​ക​യാ​ണ് നാ​ട്ടു​കാർ. എ​ത്രയും വേ​ഗം പ​മ്പ് സെ​റ്റ് എ​ത്തിച്ച് കു​ഴൽ​കി​ണർ പ്ര​വർ​ത്ത​ന സ​ജ്ജ​മാ​ക്കി കു​ടി​വെ​ള്ള​ക്ഷാ​മം പ​രി​ഹ​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

വെ​ള്ള​ത്തി​ന്റെ ഗു​ണ​നി​ല​വാ​രം

പ​രി​ശോ​ധി​ക്കാ​ൻ സം​വി​ധാ​ന​മില്ല

കു​ടി​വെ​ള്ള​ക്ഷാ​മം രൂ​ക്ഷമാ​യ പ​ശ്ചാ​ത്ത​ലത്തിൽ കു​ടുംബ​ങ്ങൾ വി​ല​കൊ​ടു​ത്ത് വാ​ങ്ങു​ന്ന സ്വ​കാ​ര്യ ടാ​ങ്ക​റു​ക​ളി​ലെ വെ​ള്ള​ത്തി​ന്റെ ഗു​ണ​നി​ല​വാ​രം പ​രി​ശോ​ധി​ക്കാ​നാ​കാ​ത്ത സ്ഥി​തി​യാ​ണ്. നി​ര​വ​ധി​കു​ടും​ബ​ങ്ങ​ളാണ് ഇ​ത്ത​ര​രത്തിൽ സ്വ​കാ​ര്യ​ടാ​ങ്ക​റുക​ളെ ആ​ശ്ര​യി​ക്കു​ന്ന​ത്. ക​ഴി​ഞ്ഞ മാ​സം പ​കു​തി​യോ​ടെ​യാണ് താ​ന്നി​ക്ക​മു​ക്ക്, പാ​മ്പാലിൽ, ക​ണ്ടച്ചി​റ ഭാ​ഗ​ങ്ങളിൽ കു​ടി​വെ​ള്ള​ക്ഷാ​മം രൂ​ക്ഷ​മാ​യി തു​ട​ങ്ങി​യത്.