ചേർപ്പ് : പെരുവനം മഹാദേവ ക്ഷേത്രത്തിലെ ശിവരാത്രി ആഘോഷങ്ങൾ നാളെ തുടങ്ങും. വൈകിട്ട് ആറിന് അഡ്വ. എ.യു. രഘുരാമൻ പണിക്കർ എണ്ണ സമർപ്പണവും കലാസന്ധ്യ കൊച്ചിൻ ദേവസ്വം ബോർഡ് പ്രസിഡന്റ് ഡോ. എം.കെ. സുദർശനും ഉദ്ഘാടനം ചെയ്യും. ശിവരാത്രി ദിവസം രാവിലെ ആറരയ്ക്ക് വിശേഷാൽ നിറമാല, ശിവസ്തുതി, ചതുശതം നിവേദ്യം, തിരുവാതിരക്കളി, വൈകിട്ട് അഞ്ചിന് അക്ഷരശ്ലോകം, ഭഗവത്ഗീത ശ്ലോകാഞ്ജലി, നിറമാല, ലക്ഷദീപം, നാദസ്വരം, ദീപാരാധന, പെരുവനം സതീശൻ മാരാരുടെ പഞ്ചവാദ്യം, സംഗീതക്കച്ചേരി, രാത്രി ഒമ്പതരയ്ക്ക് പിന്നണി ഗായകൻ സുദീപ് പാലനാട് നയിക്കുന്ന സംഗീത നിശ, ഇരട്ടയപ്പനും മാടത്തിലപ്പനും അഭിഷേകം, അത്താഴപൂജ, ശ്രീഭൂതബലി, പെരുവനം വിനു പരമേശ്വരമാരാരുടെ തായമ്പക, വിളക്കിനെഴുന്നള്ളിപ്പ്, പെരുവനം കുട്ടൻ മാരാരുടെ നേതൃത്വത്തിൽ പഞ്ചാരിമേളം എന്നിവയുണ്ടാകും. ക്ഷേത്ര ഉപദേശക സമിതി സെക്രട്ടറി ആനക്കോട്ടിൽ ഉണ്ണിക്കൃഷ്ണൻ, അജിത് കെ.പെരുവനം, പ്രവീൺ ആഞ്ചേരി, രാധാകൃഷ്ണൻ കുറുപ്പത്ത് എന്നിവർ വാർത്താസമ്മേളനത്തിൽ പങ്കെടുത്തു.