കൊടുങ്ങല്ലൂർ: ചാലക്കുടി മണ്ഡലത്തിലെ എൽ.ഡി.എഫ് സ്ഥാനാർത്ഥി പ്രൊഫ. സി. രവീന്ദ്രനാഥ് നഗരത്തിൽ റോഡ് ഷോ നടത്തി. ചന്തപ്പുരയിൽ നിന്ന് ആരംഭിച്ച് തെക്കെ നടവഴി റിംഗ് റോഡ് ചുറ്റി വടക്കെ നടയിൽ സമാപിച്ചു. റോഡ് ഷോയിൽ നൂറുകണക്കിന് എൽ.ഡി.എഫ് പ്രവർത്തകർ അണിനിരന്നു. തുറന്ന വാഹനത്തിലെത്തിയ സ്ഥാനാർത്ഥിയെ എൽ.ഡി.എഫ് നേതാക്കൾ ചേർന്ന് സ്വീകരിച്ചു. നേതാക്കളായ കെ.ആർ. ജൈത്രൻ, കെ.ജി. ശിവാനന്ദൻ, എം. രാജേഷ്, കെ.എസ്. കൈസാബ്, സി.സി. വിപിൻചന്ദ്രൻ, മുഷ്താഖ് അലി, ഷീല രാജ്കമൽ, കെ.എ. രമേശൻ, ടി.പി. അരുൺ മേനോൻ, പി.പി. സുഭാഷ്, ടി.പി. പ്രബേഷ് എന്നിവർ നേതൃത്വം നൽകി.