കൊടുങ്ങല്ലൂർ : അദ്ധ്യാപകനും ഗ്രന്ഥകർത്താവും സാംസ്‌കാരിക പ്രവർത്തകനുമായിരുന്ന ഐ.ആർ. കൃഷ്ണൻ മേത്തലയുടെ എട്ടാം ചരമവാർഷികത്തോടനുബന്ധിച്ച് അനുസ്മരണവും അവാർഡ് സമർപ്പണവും നടത്തി. ഐ.ആർ. കൃഷ്ണൻ ഫൗണ്ടേഷന്റ അഭിമുഖ്യത്തിൽ എസ്.എൻ.ഡി.പി യൂണിയൻ ഹാളിൽ നടന്ന ചടങ്ങിൽ മുരളീധരൻ അനാപ്പുഴ അദ്ധ്യക്ഷനായി. കെ.കെ.ടി.എം കോളേജ് മലയാളവിഭാഗം എച്ച്.ഒ.ഡി: ഡോ. ജി. ഉഷാകുമാരി മുഖ്യപ്രഭാഷണവും ജേതാവ് ടി.വി. വിലാസിനിക്ക് അവാർഡ് സമർപ്പണവും നടത്തി. ടി. വി. വിലാസിനിയുടെ 'അടച്ചൂറ്റൽ 'എന്ന കവിതാ സമാഹാരത്തിനാണ് 15,001 രൂപയും ശിൽപ്പവും അടങ്ങുന്ന അവാർഡ്. കവി സബാസ്റ്റ്യൻ അവാർഡ് കൃതി പരിചയപ്പെടുത്തി. കൃഷ്ണൻ മാസ്റ്റർ രചിച്ച വഴി തെറ്റി വന്ന അതിഥി, രാജഹംസം എന്നീ പുസ്തകങ്ങൾ കവി ജിനന് നൽകി ഇ.ടി. ടൈസൺ എം.എൽ.എ പ്രകാശനം ചെയ്തു. ഫൗണ്ടേഷൻ സെക്രട്ടറി ടി.കെ. ഗംഗാധരൻ, ഇ. ജിനൻ, സി.എസ്. തിലകൻ, സുനിൽ പി. മതിലകം, ഷാംകൃഷ്ണൻ എന്നിവർ സംസാരിച്ചു. ർ