തൃശൂർ : ഉത്സവ- പെരുന്നാൾ-നേർച്ചക്കാലത്ത് ജനാധിപത്യ പൂരത്തിന്റെ ഉപചാരം ചൊല്ലി സ്ഥാനാർത്ഥികൾ ദേവാലയങ്ങളിലെ ആഘോഷങ്ങളും പ്രചാരണത്തിന് വേദിയാക്കുമ്പോൾ, ആഘോഷത്തിമിർപ്പിലാണ് അണികളും. വാദ്യവും മേളവും ആനയും അമ്പാരിയും അണികളുമെല്ലാം നിറയുമ്പോൾ ആവേശം വാനോളം ഉയരുകയാണ്. സുരേഷ് ഗോപി പോലെയുള്ള സെലിബ്രിറ്റി സ്ഥാനാർത്ഥികളുടെ ഡാൻസും സാമൂഹിക മാദ്ധ്യമങ്ങളിൽ ഓളം തീർക്കുന്നു.
രണ്ടും മൂന്നും റൗണ്ട് പൂർത്തിയാക്കിയ സ്ഥാനാർത്ഥികൾ ആഘോഷവേളകളെ പരമാവധി ആസ്വദിക്കുന്നുമുണ്ട്. നിലവിൽ സ്ഥാനാർത്ഥികൾ തിരഞ്ഞെടുപ്പ് കമ്മിറ്റി ഓഫീസുകൾ തുറന്നുകഴിഞ്ഞു. കൺവെൻഷനും അവസാനഘട്ടത്തിലാണ്. വോട്ടർമാരെ ചേർക്കാൻ ഇനിയും അവസരം ഉണ്ടെന്നിരിക്കെ രാഷ്ട്രീയ പാർട്ടികൾ വോട്ടർ പട്ടികയിൽ പേരില്ലാത്ത അനുഭാവികളെ തേടിപിടിക്കുകയാണ്. ത്രികോണ മത്സരമായത്തിനാൽ ഓരോ വോട്ടും നിർണായകമാണെന്ന മുന്നറിയിപ്പ് നേതൃത്വം പ്രദേശിക നേതൃത്വത്തിന് നൽകിക്കഴിഞ്ഞു. വിഷുവിനോട് മുന്നോടിയായേ വൻ പൊതുയോഗങ്ങളിലേക്ക് മുന്നണികൾ പ്രവേശിക്കൂ. എങ്ങോട്ടാണ് അടിയൊഴുക്കെന്ന് കണ്ടെത്തി ഓരോരുത്തരും അതിനെതിരെ തന്ത്രമൊരുക്കാനുള്ള നീക്കത്തിലുമാണ്.

ഉത്സവ/ പള്ളിപ്പറമ്പും നിറയും

പാലയൂർ മഹാ തീർത്ഥാടനത്തിലും തൃപ്രയാർ തേവരുടെ മകയിരം പുറപ്പാടിലും എൽ.ഡി.എഫ് സ്ഥാനാർത്ഥി വി.എസ്.സുനിൽ കുമാർ പങ്കെടുത്തപ്പോൾ പാലയൂർ തീർത്ഥാടകർക്ക് ദാഹജലം നൽകിയും പള്ളി സന്ദർശനം നടത്തിയുമാണ് എൻ.ഡി.എ സ്ഥാനാർത്ഥി സുരേഷ് ഗോപി രംഗത്തെത്തിയത്. തൃപ്രയാറിൽ മകയിരം പുറപ്പാടിൽ തേവർ പുറത്തേക്ക് എഴുന്നള്ളിയപ്പോൾ പറ നിറയ്ക്കാനും സുനിൽകുമാരെത്തി. ഇന്നലെ പുലർച്ചെ നാലോടെ സുനിൽകുമാർ ലൂർദ്ദ് മാതാവിന്റെ കത്തീഡ്രൽ പള്ളിയിലെത്തി. തൃശൂർ അതിരൂപത ആർച്ച് ബിഷപ്പ് മാർ ആൻഡ്രൂസ് താഴത്തിലിന്റെ നേതൃത്വത്തിൽ പ്രാർത്ഥനകൾക്ക് ശേഷം തീർത്ഥാടകരെ യാത്രയാക്കി. വൈകിട്ട് പാലയൂർ പള്ളിയിൽ തീർത്ഥാടനം സമാപിച്ചപ്പോഴും സുനിൽകുമാർ സന്നിഹിതനായി. മണത്തല വിശ്വനാഥ ക്ഷേത്രത്തിലെ ഉത്സവത്തിലും പങ്കെടുത്തു. പാലയൂരിന് അടുത്ത് ബി.ജെ.പി പ്രവർത്തകർ ഒരുക്കിയ കുടിവെള്ള വിതരണ കേന്ദ്രത്തിലെത്തിയാണ് സുരേഷ് ഗോപി ദാഹജലം നൽകിയത്. പാലയൂർ പള്ളിയിലെത്തി അദ്ദേഹം പ്രാർത്ഥന നടത്തി. ബി.ജെ.പി ജില്ലാ ജനറൽ സെക്രട്ടറി ജസ്റ്റിൻ ജേക്കബ്ബും ഒപ്പമുണ്ടായിരുന്നു. ആറാട്ടുപുഴയുമായി ബന്ധപ്പെട്ട ചടങ്ങുകൾക്ക് ഇന്നലെ തുടക്കം കുറിച്ചിട്ടുണ്ട്. ഇതുമായി ബന്ധപ്പെട്ട് തൃശൂർ, ചാലക്കുടി മണ്ഡലങ്ങളിലായി 24 ക്ഷേത്രങ്ങളിലാണ് ചടങ്ങ് നടക്കുന്നത്. ഇതിൽ തൃപ്രയാർ, ആറാട്ടുപുഴ തുടങ്ങിയ സ്ഥലങ്ങളിൽ പതിനായിരങ്ങളാണെത്തുക. ഈസ്റ്റർ, വിഷു ആഘോഷങ്ങളും ഇതിന് പുറമേ തിരഞ്ഞെടുപ്പിന് ഒരാഴ്ച്ച മുമ്പ് നടക്കുന്ന തൃശൂർ പൂരവും സ്ഥാനാർത്ഥികൾ പ്രചാരണത്തിനുള്ള വേദിയാക്കിയേക്കും.

മ​ണ​ലൂ​രി​ൽ​ ​പ​ര്യ​ട​ന​വു​മാ​യി​ ​മു​ര​ളീ​ധ​രൻ

മ​ണ​ലൂ​ർ​ ​:​ ​ഇ​ന്ന​ലെ​ ​മ​ണ​ലൂ​ർ​ ​മ​ണ്ഡ​ല​ത്തി​ലെ​ ​വി​വി​ധ​ ​സ്ഥ​ല​ങ്ങ​ളി​ൽ​ ​യു.​ഡി.​എ​ഫ് ​സ്ഥാ​നാ​ർ​ത്ഥി​ ​കെ.​മു​ര​ളീ​ധ​ര​ൻ​ ​പ​ര്യ​ട​നം​ ​ന​ട​ത്തി.​ ​കൂ​നം​മൂ​ച്ചി​ ​പ​ള്ളി​യി​ലാ​യി​രു​ന്നു​ ​ആ​ദ്യ​ ​പ​ര്യ​ട​നം.​ ​വി​കാ​രി​ ​ഡോ.​ജോ​ർ​ജ് ​ചെ​റു​വ​ത്തൂ​രി​ൽ​ ​നി​ന്ന് ​അ​നു​ഗ്ര​ഹം​ ​തേ​ടി.​ ​തു​ട​ർ​ന്ന് ​മ​റ്റം​ ​സെ​ന്റ് ​തോ​മ​സ് ​ഫെ​റോ​ന​ ​ച​ർ​ച്ച്,​ ​ആ​ളൂ​ർ​ ​കും​ഭാ​ര​ ​കോ​ള​നി,​ ​ചൊ​വ്വ​ല്ലൂ​ർ​ ​ശി​വ​ക്ഷേ​ത്രം,​ ​ചൂ​ണ്ട​ൽ​ ​സെ​ന്റ് ​ജോ​സ​ഫ് ​ഹോ​സ്പി​റ്റ​ൽ,​ ​ചൂ​ണ്ട​ൽ​ ​ഫാ.​ ​ജി.​എ​ഫ് ​സ്മാ​ര​ക​ ​വൈ​ദി​ക​ ​മ​ഠം,​ ​പ​റ​പ്പൂ​ക്കാ​വ് ​ഭ​ഗ​വ​തി​ ​ക്ഷേ​ത്രം,​ ​ചി​റ​നെ​ല്ലൂ​ർ​ ​ജു​മാ​ ​മ​സ്ജി​ദ്,​ ​ത​ല​ക്കോ​ട്ടു​ക​ര​ ​അ​സീ​സി​ ​കോ​ൺ​വെ​ന്റ്,​ ​കേ​ച്ചേ​രി​ ​ജു​മാ​ ​മ​സ്ജി​ദ്,​ ​ബ്ര​ഹ്മ​കു​ളം​ ​സെ​ന്റ് ​തോ​മ​സ് ​ച​ർ​ച്ച്,​ ​വാ​ക​ ​ജു​മാ​ ​മ​സ്ജി​ദ്,​ ​പ​ണ്ട​റ​ക്കാ​ട് ​ജു​മാ​ ​മ​സ്ജി​ദ്,​ ​പാ​ല​യൂ​ർ​ ​സെ​ന്റ് ​തോ​മ​സ് ​ച​ർ​ച്ച്,​ ​സാ​ൻ​ജോ​സ് ​പാ​രി​ഷ് ​ആ​ശു​പ​ത്രി​ ​പാ​വ​റ​ട്ടി,​ ​സെ​ന്റ് ​ജോ​സ​ഫ് ​തീ​ർ​ത്ഥ​ ​കേ​ന്ദ്രം​ ​പാ​വ​റ​ട്ടി,​ ​സാ​ൻ​ജോ​സ് ​പാ​രി​ഷ് ​ആ​ശു​പ​ത്രി​ ​പാ​വ​റ​ട്ടി,​ ​പു​തു​മ​ന​ശ്ശേ​രി​ ​മ​ഹ​ല്ല് ​ജ​മാ​അ​ത്ത് ​പ​ള്ളി,​ ​ഹ​യാ​ത്തു​ൽ​ ​ഇ​സ്ലാം​ ​ജു​മാ​ ​മ​സ്ജി​ദ് ​പെ​രു​വ​ല്ലൂ​ർ,​ ​അ​ന്ന​ക്ക​ര​ ​ചി​റ​ക്ക​ൽ​ ​ക്ഷേ​ത്രം​ ​എ​ന്നി​വി​ട​ങ്ങ​ളി​ൽ​ ​പ​ര്യ​ട​നം​ ​ന​ട​ത്തി.

സി.​പി.​എ​മ്മും​ ​ബി.​ജെ.​പി​യും​ ​ത​മ്മി​ൽ​ ​തി​ര​ഞ്ഞെ​ടു​പ്പി​ൽ​ ​കൈ​കോ​ർ​ക്കു​ന്ന​ ​അ​ന്ത​ർ​ധാ​ര​ ​വ്യ​ക്ത​മാ​യി.​ ​വ​ട​ക​ര​യി​ൽ​ ​യു.​ഡി.​എ​ഫ് ​ജ​യി​ക്കി​ല്ലെ​ന്നും​ ​തൃ​ശൂ​രി​ൽ​ ​സു​രേ​ഷ് ​ഗോ​പി​ ​ജ​യി​ക്കും​ ​എ​ന്നും​ ​ഉ​റ​പ്പി​ച്ചു​ ​പ​റ​യാ​ൻ​ ​കെ.​സു​രേ​ന്ദ്ര​ന് ​ക​ഴി​ഞ്ഞ​ത് ​ഈ​ ​അ​ന്ത​ർ​ധാ​ര​യു​ടെ​ ​ഫ​ല​മാ​ണ്.​ ​ചി​ല​ ​സീ​റ്റു​ക​ൾ​ക്കാ​യി​ ​വ​ർ​ഗീ​യ​ ​ക​ക്ഷി​ക​ളു​മാ​യി​ ​കൂ​ട്ടു​ചേ​രു​ന്ന​ ​പി​ണ​റാ​യി​ ​വി​ജ​യ​ൻ​ ​വ​ലി​യ​ ​വി​ല​ ​കൊ​ടു​ക്കേ​ണ്ടി​ ​വ​രും.​

​കെ.​മു​ര​ളീ​ധ​ര​ൻ.

ഉദ്ഘാടനം ഇനി ഉദ്യോഗസ്ഥരിലേക്ക്

തിരഞ്ഞെടുപ്പ് പെരുമാറ്റച്ചട്ടം നിലവിൽ വന്നതോടെ ഇനി ഉദ്ഘാടനങ്ങളും മറ്റും ഉദ്യോഗസ്ഥരുടെ നിയന്ത്രണത്തിലാകും. മന്ത്രിമാർ അടക്കമുള്ളവർ ഇനി പ്രഖ്യാപനം നടത്തില്ല. തിരഞ്ഞെടുപ്പ് പ്രഖ്യാപനത്തിന് മുമ്പ് പരമാവധി ഉദ്ഘാടനങ്ങളും നടത്തിക്കഴിഞ്ഞു. തിരഞ്ഞെടുപ്പ് പ്രഖ്യാപിച്ചതോടെ ഇനി ജില്ലാ ഭരണകൂടത്തിന്റെ നേതൃത്വത്തിൽ ഒരുക്കം സജീവമായി.

തിരഞ്ഞെടുപ്പ് ഒരുക്കങ്ങൾക്ക്

1000ഓളം ജീവനക്കാർ