ആറാട്ടുപുഴ: ആറാട്ടുപുഴ ക്ഷേത്രത്തിൽ പൂരത്തിന് മുന്നോടിയായി ചമയപ്രദർശനം ആരംഭിച്ചു. കോലങ്ങൾ, നെറ്റിപ്പട്ടങ്ങൾ, പട്ടുകുടകൾ, വക്കകൾ, മണിക്കൂട്ടങ്ങൾ, ആലവട്ടം, ചാമരം, കൈപ്പന്തം എന്നിവയുടെ പ്രദർശനമാണ് ആരംഭിച്ചത്. ശാസ്താവിന്റെ എഴുന്നള്ളിപ്പുകൾക്കായി ഭക്തർ സമർപ്പിച്ച ചമയങ്ങളും പ്രദർശിപ്പിച്ചിട്ടുണ്ട്. ക്ഷേത്രാങ്കണത്തിൽ പ്രത്യേകം സജ്ജമാക്കിയ മണ്ഡപത്തിൽ നടക്കുന്ന പ്രദർശനം നാല് ദിവസം തുടരും.