കുറ്റിച്ചൽ:കുറ്റിച്ചൽ പരുത്തിപ്പള്ളി കർഷക സഹൃദയ ഗ്രന്ഥശാലയിൽ ജില്ലാപഞ്ചായത്തംഗം എ.മിനിയുടെ ഫണ്ടിൽ നിന്ന് അനുവദിച്ച തുക കൊണ്ട് നവീകരിച്ച ഗ്രന്ഥശാലാ കെട്ടിടത്തിന്റെ പ്രവർത്തനോദ്ഘാടനവും ആശാൻ - ജീവിതവും കവിതയും സെമിനാറും സംഘടിപ്പിച്ചു.പ്രസിഡന്റ് പ്രൊഫ.എ.പ്രതാപചന്ദ്രൻനായരുടെ അദ്ധ്യക്ഷതയിൽ ജില്ലാപഞ്ചായത്തംഗം എ.മിനി ഉദ്ഘാടനം ചെയ്തു.താലൂക്ക് ലൈബ്രറി കൗൺസിൽ പ്രസിഡന്റ് കെ.ഗിരി മുഖ്യാതിഥിയായി.ഗ്രന്ഥശാലാ സെക്രട്ടറി എസ്.സുരേഷ് ,ഗ്രാമപഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാൻ വി.രാജീവ്,വാർഡ് മെമ്പർ വി.രമണി,നേതൃസമിതി കൺവീനർ വി.എസ്.ജയകുമാർ,വൈസ് പ്രസിഡന്റ് ആർ.എൽ.ഷാജി എന്നിവർ സംസാരിച്ചു.ആശാൻ ജീവിതവും കവിതയും എന്ന വിഷയത്തിൽ ജില്ലാ ലൈബ്രറി കൗൺസിൽ മെമ്പർ ഡോ.പരുത്തിപ്പള്ളി കൃഷ്ണൻകുട്ടി വിഷയം അവതരിപ്പിച്ചു.