വെഞ്ഞാറമൂട്:മാണിക്കോട് മഹാദേവ ക്ഷേത്രത്തിൽ ശിവരാത്രിയോടനുബന്ധിച്ച് നടന്ന സമൂഹ വിവാഹവും സാംസ്കാരിക സമ്മേളനവും ഗോകുലം ഗോപാലൻ ഉദ്ഘാടനം ചെയ്തു.ഡി.കെ.മുരളി എം.എൽ.എ അദ്ധ്യക്ഷത വഹിച്ചു.ചടങ്ങിൽ പത്തനാപുരം ഗാന്ധിഭവൻ ചെയർമാൻ പുനലൂർ സോമരാജന് കർമശ്രേഷ്ഠാ പുരസ്കാരം ദേവസ്വംബോർഡ് പ്രസിഡന്റ് പി.എസ്.പ്രശാന്ത് സമർപ്പിച്ചു.

ശ്രീഗോകുലം മെഡിക്കൽ കോളേജ് വൈസ് ചെയർമാൻ ഡോ.കെ.കെ.മനോജൻ,നോർക്ക ഡയറക്ടർ സജീവ് തൈക്കാട്,സിനിമാ താരം അനുശ്രീ,ബ്ലോക്ക് പഞ്ചായത്ത് വൈസ് പ്രസിഡന്റ് എസ്.എം. റാസി,ബ്ലോക്ക് അംഗങ്ങളായ അരുണ സി ബാലൻ,അസീനാ ബീഗം,ജ്യോത്സൻ ഷിബു നാരായണൻ,ക്ഷേത്രം പ്രസിഡന്റ് അർജുൻ സരോവരം,സെക്രട്ടറി വാമദേവൻ പിള്ള,അനിൽ വയ്യേറ്റ് എന്നിവർ പങ്കെടുത്തു.സമൂഹ വിവാഹത്തിൻ മുട്ടപ്പലം കല്ലുവിള തൊടിയിൽ വീട്ടിൽ മധുവിന്റെയും സിന്ദുവിന്റെയും മകൾ ശാരുവിനെ പുല്ലമ്പാറ യാക്കൻചിറയിൽ തുളസിയുടെയും സിന്ധുവിന്റെയും മകൻ അനുരാജും,ഇടവട്ടം പുളിക്കൻമേലതിൽ അനിൽകുമാറിന്റെയും മായയുടെയും മകൾ ആതിരയെ ഊരുപൊയ്ക കുന്നിൽ വീട്ടിൽ വിജയന്റെയും വത്സലകുമാരിയുടെയും മകൻ വിഷ്ണുവും,ആലംകാൽ സുരേഷ് ഭവനിൽ സുരേഷിന്റെയും സരിതയുടെയും മകൾ ഗോപിസുരേഷിനെ ചാങ്ങയിൽ വിജയന്റെയും ഷീബയുടെയും മകൻ ഷെറിൻ വജയും, വാഴിച്ചൽ ആലച്ചംകോണം ബിന്ദുവിന്റെ മകൾ അഞ്ജനയെ കിഴക്കേവിള അനൂപ് ഭവനിൽ രാജന്റെയും സുലഭയുടെയും മകൻ അമലും താലി ചാർത്തി.