കൊച്ചി:തൃശൂർ കോർപ്പറേഷനിൽ കുടിവെള്ള വിതരണ ക്രമക്കേടിൽ നഷ്ടമുണ്ടായ 99 ലക്ഷം രൂപ മുൻമേയർ അജിത ജയരാജ്, മുൻസെക്രട്ടറി കെ.എം. ബഷീർ, കൗൺസിലർ എം.എൽ. റോസി എന്നിവരിൽനിന്ന് മൂന്നുമാസത്തിനകം ഈടാക്കാൻ തദ്ദേശ സ്ഥാപന ഓംബുഡ്സ്‌മാൻ ജസ്റ്റിസ് പി.എസ്. ഗോപിനാഥൻ ഉത്തരവിട്ടു.

മൂന്നു പേരും 35 ലക്ഷം വീതം നഗരസഭയി​ൽ അടയ്ക്കണം. ഇല്ലെങ്കി​ൽ റവന്യൂ റി​ക്കവറി​യി​ലൂടെ ഈടാക്കണം. അധി​കാര ദുർവി​നി​യോഗത്തിന് രണ്ട് ജനപ്രതി​നി​ധി​കളും തി​രഞ്ഞെടുപ്പി​ൽ മത്സരി​ക്കുന്നത് വി​ലക്കാൻ വിഷയം തി​രഞ്ഞെടുപ്പ് കമ്മി​ഷന് വി​ടും.

2016-17 വർഷത്തെ ടെൻഡറിലെ കേസാണി​ത്. ചട്ടങ്ങൾ ലംഘി​ച്ച് പഴയ കരാറുകാരെക്കൊണ്ട് ഉയർന്ന നി​രക്കി​ൽ ലോറി​യി​ൽ കുടി​വെള്ളം വി​തരണം നടത്തി​യതി​ൽ 99,56,338 രൂപ നഷ്ടമുണ്ടായെന്നായി​രുന്നു പരാതി​. പരാതി​ക്കാരനായ കെ.ഡി​. മാത്യുവി​ന് 25000 രൂപ പാരി​തോഷി​കം നൽകാനും സെക്രട്ടറി​ക്ക് നി​ർദ്ദേശം നൽകി​.

വി​ജി​ലൻസ് അന്വേഷണത്തി​നായി​ സൂപ്രണ്ട് പദവി​യി​ൽ താഴെയല്ലാത്ത ഉദ്യോഗസ്ഥനെ നി​യമി​ക്കാൻ വി​ജി​ലൻസ് ആൻഡ് ആന്റി​ കറപ്ഷൻ ബ്യൂറോ ഡയറക്ടർ ജനറലി​നോടും നി​ർദ്ദേശി​ച്ചു.

• അഴി​മതി​യുടെ വെള്ളപ്പൊക്കം

ആയി​രം ലി​റ്ററി​ന് 99 രൂപ കുറഞ്ഞ നി​രക്ക് ക്വോട്ട് ചെയ്ത രതീഷിന് കരാർ നൽകിയെന്ന് കളവായി​ ഹൈക്കോടതി​യി​ൽ റി​പ്പോർട്ട് നൽകി​ പഴയ കരാറുകാരിൽ നി​ന്ന് ഉയർന്ന നി​രക്കിൽ വെള്ളം വാങ്ങി​യതാണ് കേസി​നാധാരം. ബി​ല്ലുകളി​ൽ തി​രി​മറി​കളും കണ്ടെത്തി​.

രതീഷി​ന് കരാർ നൽകാൻ കൗൺ​സി​ൽ യോഗത്തി​ൽ തീരുമാനി​ച്ചശേഷം കരാറുകാരൻ പി​ന്മാറി​യെന്ന് പറഞ്ഞ് കൂടി​യ നി​രക്കി​ൽ വെള്ളംവാങ്ങാൻ മേയർ കുറി​പ്പെഴുതിയതും കണ്ടെത്തി.