നടി കാവേരിയുടെ മുൻ ഭർത്താവ്

ഇന്ത്യയിലെ ആദ്യ ത്രിമാന ചിത്രമായ മൈ ഡിയർ കുട്ടിച്ചാത്തനിൽ ബാലതാരമായി ശ്രദ്ധേയനായി പിന്നീട് സംവിധായകനായി മാറിയ സൂര്യ കിരൺ (മാസ്റ്റർ സുരേഷ്) വിട പറഞ്ഞു. നടി കാവേരിയുടെ മുൻ ഭർത്താവാണ്.

കടുത്ത മഞ്ഞപ്പിത്തം ബാധയെ തുർന്നാണ് മരണം. തമിഴിലും തെലുങ്കിലും മലയാളത്തിലുമായി സൂപ്പർ താരങ്ങളുടെ ഉൾപ്പെടെ 200 ലധികം ചിത്രങ്ങളിൽ ബാലതാരമായി അഭിനയിച്ചിട്ടുണ്ട്. സത്യം എന്ന തെലുങ്ക്സൂ പ്പർ ഹിറ്റ് ചിത്രത്തിലൂടെയാണ് സംവിധായകനാകുന്നത്. ധന 51, ബ്രഹ്മാസ്ത്രം, രാജു ഭായി, ചാപ്ടർ 6 എന്നിവയാണ് മറ്റ് ചിത്രങ്ങൾ. തെലുങ്കിൽ സംവിധായകനായി പ്രവർത്തിക്കുമ്പോഴാണ് കാവേരിയുമായി പ്രണയത്തിലാകുന്നത്.2010 ൽ ആണ് കാവേരിയുമായി വിവാഹം.

കുറച്ചു വർഷങ്ങൾക്കുമുൻപാണ് ഇരുവരും വിവാഹബന്ധം വേർപ്പെടുത്തുന്നത്..

അവളാണ് എന്നെ ഉപേക്ഷിച്ചതെന്നും ഇന്നും കാവേരിയെ സ്നേഹിക്കുന്നുവെന്നും മാദ്ധ്യമങ്ങൾക്കു മുൻപിൽ വന്ന് സൂര്യ കിരൺ പൊട്ടിക്കരഞ്ഞിരുന്നു. സിനിമയിൽനിന്ന് ഇടവേളയെടുത്ത സൂര്യ കിരൺ തെലുങ്ക്, ബിഗ് ബോസ് നാലിൽ മത്സരാർത്ഥിയായാണ് മടങ്ങി എത്തിയത്.

വരലക്ഷ്മി ശരത് കുമാർ നായികയായി അഭിനയിച്ച സൂര്യ കിരൺ സംവിധാനം ചെയ്ത അരസി റിലീസിന് ഒരുങ്ങവേയാണ് വിയോഗം. മലയാളത്തിൽ നിരവധി ചിത്രങ്ങളിലും സീരിയലുകളിലും നായികയായി അഭിനയിച്ച സുചിത സഹോദരിയാണ്.