നെടുമങ്ങാട് : നഗരസഭ സ്ത്രീകൾക്കായി ഒരുക്കിയ 'ഒരുമിക്കാം ഉല്ലസിക്കാം പെണ്ണിടം കേന്ദ്രവും ഓൺലൈൻ ജനസേവനകേന്ദ്രവും ഹരിതകേരള മിഷൻ ചെയർപേഴ്‌സൺ ടി.എൻ.സീമ ഉദ്ഘാടനം നിർവഹിച്ചു.നഗരസഭയുടെ ഡേറ്റാ എൻട്രി, ടാലി കോഴ്‌സ് പൂർത്തിയാക്കിയ വനിതകൾക്ക് സർട്ടിഫിക്കറ്റ് വിതരണവും നടന്നു. മികച്ച ശിശുവികസ പദ്ധതി ഓഫീസർക്കുള്ള സംസ്ഥാന സർക്കാരിന്റെ അവാർഡ് ലഭിച്ച ഇ.ജെഷിതയെ ആദരിച്ചു. നഗരസഭ ചെയർപേഴ്‌സൺ സി.എസ്.ശ്രീജ അദ്ധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ ബി. സതീശൻ സ്വാഗതം പറഞ്ഞു.സ്റ്റാൻഡിംഗ് കമ്മറ്റി അദ്ധ്യക്ഷൻമാർ, കൗൺസിലർമാർ,ഐ. സി. ഡി. എസ് സൂപ്പർവൈസർ വിദ്യ തുടങ്ങിയവർ പങ്കെടുത്തു.