തിരുവനന്തപുരം: ഇന്നും നാളെയും പാലക്കാട്, കൊല്ലം ജില്ലകളിൽ 39 ഡിഗ്രി വരെ താപനില ഉയരുമെന്ന് കാലാവസ്ഥ വിദഗ്ദ്ധർ. ആലപ്പുഴ, കോട്ടയം ജില്ലകളിൽ 38 ഡിഗ്രിയും പത്തനംതിട്ട, കോഴിക്കോട് ജില്ലകളിൽ 37 ഡിഗ്രിയുമായിരിക്കും ഉയർന്ന താപനില. തിരുവനന്തപുരം, എറണാകുളം, കണ്ണൂർ ജില്ലകളിൽ 36 ഡിഗ്രിവരെ. പാലക്കാട്, കൊല്ലം ജില്ലകളിൽ സൂര്യാഘാത സാദ്ധ്യതയുള്ളതിനാൽ പകൽ 11 മുതൽ വൈകിട്ട് 3വരെ ശരീരത്തിൽ നേരിട്ട് സൂര്യപ്രകാശം ഏൽക്കാതിരിക്കാൻ ശ്രദ്ധിക്കണം. നാളെ കഴിഞ്ഞ് തെക്കൻ ജില്ലകളിൽ ശക്തികുറഞ്ഞ മഴയ്ക്ക് സാദ്ധ്യത.