തിരുവനന്തപുരം: അടുത്തിടെയുണ്ടായ ടിപ്പർ അപകടങ്ങളുടെ പശ്ചാത്തലത്തിൽ നഗരത്തിൽ ഗതാഗത തിരക്കുള്ള രാവിലെ 8 മുതൽ 10 വരെയും വൈകിട്ട് 3 മുതൽ 5 വരെയും ടിപ്പർ ലോറികൾക്കും ചരക്കു വാഹനങ്ങൾക്കും കണ്ടെയ്നർ വാഹനങ്ങൾക്കും നിയന്ത്രണം ഏർപ്പെടുത്തി. നഗരാതിർത്തി പ്രദേശങ്ങളായ വെട്ടുറോഡ്,ചപ്പാത്ത്,പള്ളിച്ചൽ,​മരുതൂർ, പൗഡിക്കോണം,​കുണ്ടമൺകടവ്,മങ്ങാട്ടുകടവ്, എന്നീ സ്ഥലങ്ങളിലാണ് നിയന്ത്രണം.നിയന്ത്രണം ലംഘിക്കുന്ന വാഹനങ്ങൾക്കെതിരെ കർശനമായ നിയമനടപടി സ്വീകരിക്കുമെന്നും സിറ്റി പൊലീസ് വ്യക്തമാക്കി.

നിയന്ത്രണം

 നിയന്ത്രണമുള്ളപ്പോൾ ടിപ്പർ,​ മറ്റ് ചരക്കു വാഹനങ്ങൾ എന്നിവ നഗരത്തിൽ പ്രവേശിക്കരുത്

 അധികഭാരം കയറ്റി വാഹനങ്ങൾ സഞ്ചരിക്കാൻ പാടില്ല

 പുറത്തേക്ക് തള്ളി നിൽക്കുന്നതോ പരിധിയിൽ കൂടുതൽ സാധനങ്ങളോ വാഹനങ്ങളിൽ കയറ്റരുത്

 മണ്ണ്, പാറ ഉത്പന്നങ്ങൾ തുടങ്ങിയവ കൊണ്ടു പോകുന്ന ചരക്കു വാഹനങ്ങൾ മൂടണം

 വേഗപരിധി ലംഘിക്കരുത്

 ടിപ്പറുകൾ,​ ചരക്ക് വാഹനങ്ങൾ,​ കണ്ടെയ്നറുകൾ എന്നിവ അനുവദിക്കപ്പെട്ട സ്ഥലത്ത് മാത്രം പാർക്ക് ചെയ്യണം