തിരുവനന്തപുരം: ലോക്‌സഭ തിരഞ്ഞെടുപ്പ് ഒരുക്കങ്ങൾ വിലയിരുത്തുന്നതിനു മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ ഇന്ന് രാവിലെ 10ന് എറണാകുളം കലൂർ ഐ.എം.എ ഹാളിൽ മേഖല അവലോകനയോഗം നടത്തും. ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം ജില്ലകളിലെ ഒരുക്കങ്ങളാണ് വിലയിരുത്തുക. ജില്ല കളക്ടർമാർ, ജില്ല പൊലീസ് മേധാവിമാർ, എ.ആർ.ഒമാർ, മറ്റ് തിരഞ്ഞെടുപ്പ് ഉദ്യോഗസ്ഥർ, എക്‌സൈസ്, ജി.എസ്.ടി, മോട്ടോർ വാഹന വകുപ്പ്, വനം വകുപ്പ് ഉദ്യോഗസ്ഥർ തുടങ്ങിയവർ പങ്കെടുക്കും. ഇൻകം ടാക്സ്, ഡയറക്ടറേറ്റ് ഒഫ് റവന്യു ഇന്റലിജൻസ്, സെൻട്രൽ ബോർഡ് ഒഫ് ഇൻഡയറക്ട് ടാക്സ്, എൻഫോഴ്സ്‌മെന്റ് ഡയറക്ടറേറ്റ്, നർക്കോട്ടിക് കൺട്രോൾ ബ്യൂറോ, കോസ്റ്റ് ഗാർഡ് എന്നീ കേന്ദ്ര ഏജൻസികളുടെ സ്റ്റേറ്റ് നോഡൽ ഓഫീസർമാരും പങ്കെടുക്കും.