വിഴിഞ്ഞം: കേരള സ്റ്റേറ്റ് ഹോർട്ടികൾച്ചർ മിഷന്റെയും ട്രെയിനിംഗ് സർവീസ് സ്‌കീമിന്റെയും ആഭിമുഖ്യത്തിൽ സുസ്ഥിര നഗരകൃഷിയും സാമൂഹ്യ സുരക്ഷിത നഗരങ്ങളും എന്ന വിഷയത്തിൽ ദ്വിദിന അന്താരാഷ്ട്ര സെമിനാറിന് വെള്ളായണി കാർഷിക കോളേജിൽ തുടക്കമായി. നോർവിച്ച് ഇൻസ്റ്റിറ്റ്യൂട്ട് ഒഫ് സസ്റ്റൈനബിൾ ഡെവലപ്‌മെന്റ് ഡയറക്ടർ ഡോ.നിത്യാ റാവു ഉദ്ഘാടനം ചെയ്‌തു. കാർഷിക കോളേജ് ഡീൻ ഒഫ് ഫാക്കൽറ്റി ഡോ.റോയി സ്റ്റീഫൻ അദ്ധ്യക്ഷത വഹിച്ചു. കേരള സ്റ്റേറ്റ് പ്ലാനിംഗ് ബോർഡ് ചീഫ് നാഗേഷ്.എസ്.എസ്,ജനറൽ കൗൺസിൽ മെമ്പർ ഡോ.തോമസ് ജോർജ്,അസോസിയേറ്റ് ഡയറക്ടർ ഒഫ് റിസർച്ച് ഡോ.അനിത് കെ.എൻ,അസോസിയേറ്റ് ഡയറക്ടർ ഒഫ് എക്സ്റ്റൻഷൻ ഡോ.ജി.എസ്.ശ്രീദയ,സ്റ്റാഫ് സെക്രട്ടറി ഡോ.ശാലിനി പിള്ള എന്നിവർ പങ്കെടുത്തു. ഇന്ത്യയിൽ നഗരകൃഷി ഉൾക്കൊള്ളുന്നതായ സുസ്ഥിര വികസന മാതൃകകൾ, അവയുടെ പ്രത്യാഘാതങ്ങൾ എന്നിവയെപ്പറ്റി നടത്തിയ പാനൽചർച്ചയിൽ ഡോ.നിത്യാ റാവു,ഡോ.ശീതൾ പാട്ടീൽ, ഡോ.പരമാ റോയി,ശരത് ബാബു എം. ജി,ഡോ.പി.ഇന്ദിരാദേവി എന്നിവർ പങ്കെടുത്തു. സെമിനാർ ഇന്ന് സമാപിക്കും.