കല്ലമ്പലം: ഡൽഹി മുഖ്യമന്ത്രി കേജ്‌രിവാളിനെ അറസ്റ്റ് ചെയ്തതിൽ പ്രതിഷേധിച്ച് വർക്കല ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ തട്ടുപാലം മുതൽ നാവായിക്കുളം വരെ പ്രതിഷേധ പ്രകടനം നടന്നു. നാവായിക്കുളത്ത് നടന്ന സമാപനയോഗം ആർ.എസ്.പി സംസ്ഥാന കമ്മിറ്റി അംഗം നാവായിക്കുളം ബിന്നി ഉദ്ഘാടനം ചെയ്തു.ആർ.എസ്.പി ജില്ലാ എക്സിക്യൂട്ടീവ് അംഗം ചെമ്മരുതി ശശികുമാർ അദ്ധ്യക്ഷത വഹിച്ചു. മണ്ഡലം സെക്രട്ടറി രാമചന്ദ്രൻ നായർ,ആർ.എസ്.പി ജില്ലാ കമ്മിറ്റിയംഗം പുലിയൂർ ചന്ദ്രൻ,ലോക്കൽ സെക്രട്ടറിമാരായ ബൈജു കിഴക്കനേല,സുദർശനൻ കോവൂർ,യു.ടി.യു.സി മണ്ഡലം പ്രസിഡന്റ് തോമസ് ക്ലാരിയോൺ,കർഷക തൊഴിലാളി യൂണിയൻ പ്രസിഡന്റ്‌ ഇലകമൺ പ്രഭു,ആർ.വൈ.എഫ് മണ്ഡലം സെക്രട്ടറി ബൈജു മഠം,ഐക്യ മഹിളാസംഘം മണ്ഡലം പ്രസിഡന്റ് അംബികാ കുമാരി,സെക്രട്ടറി ജയശ്രീ.എസ്.കുമാർ തുടങ്ങിയവർ പങ്കെടുത്തു.