വർക്കല: ജനാർദ്ദനസ്വാമി ക്ഷേത്രത്തിലെ ഉത്സവത്തിന് സമാപനം കുറിച്ച് ഇന്നലെ നടന്ന ആറാട്ട് എഴുന്നള്ളിപ്പ് ക്ഷേത്രസന്നിധിയിൽ നിന്ന് പുറപ്പെട്ട് ചിലക്കൂർ ആറാട്ട്കടവിലെ കടലിൽ ആറാടി പ്രത്യേകപൂജകൾക്കും ചടങ്ങുകൾക്കും ശേഷം തിരികെ പനമൂട് അർദ്ധനാരീശ്വരക്ഷേത്രത്തിലെ സ്വീകരണം ഏറ്റുവാങ്ങി അമ്മൻനട,വാവുകട ജംഗ്ഷൻ വഴി കിളിത്തട്ട് മുക്കിലെത്തിച്ചേർന്നു. അവിടെ നിന്നും ഘോഷയാത്രയോടെ ഇന്ദിരാപാർക്ക്,ബി.എം.എസ് ജംഗ്ഷൻ,നടയ്ക്കാമുക്ക്,താലൂക്ക് ആശുപത്രി ജംഗ്ഷൻ, ഐ.ഒ.ബി ജംഗ്ഷൻ,വർക്കല മൈതാനം വഴി റെയിൽവേസ്റ്റേഷനിലെ ശ്രീകൃഷ്ണസ്വാമി ക്ഷേത്രത്തിലെ സ്വീകരണത്തിനുശേഷം തിരികെ വർക്കല മൈതാനം പൊലീസ് സ്റ്റേഷൻ ചുറ്റി പടിഞ്ഞാറെനട മേലേഗ്രാമം,ആൽത്തറമൂട് വഴി രാത്രി 11.30ന് ക്ഷേത്രത്തിലെത്തിച്ചേർന്നു. തുടർന്ന് തൃക്കൊടിയിറക്കത്തോടെ ഉത്സവത്തിന് സമാപനമായി.