തിരുവനന്തപുരം: തലസ്ഥാനത്തിന്റെ അടുത്ത അഞ്ച് വർഷത്തെ വികസന സാദ്ധ്യതകൾ ചർച്ച ചെയ്യാൻ അവസരമൊരുക്കി കേരളകൗമുദി സഫയർ ഗ്രൂപ്പുമായി ചേർന്ന് നടത്തുന്ന വിഷൻ 2030 കോൺക്ളേവ് ഇന്ന് ആക്കുളം ഹോട്ടൽ ഓ ബൈ താമരയിൽ നടക്കും.ഉച്ചയ്ക്ക് 3.30ന് മേയർ ആര്യ രാജേന്ദ്രൻ ഉദ്ഘാടനം ചെയ്യും.ചീഫ് സെക്രട്ടറി ഡോ.വി.വേണു മുഖ്യാതിഥിയാകും.

ഏതെല്ലാം മേഖലകളിൽ എങ്ങനെയൊക്കെ തലസ്ഥാനം വികസിക്കണമെന്നതു സംബന്ധിച്ച് വിവിധ മേഖലകളിലെ വിദഗ്ദ്ധർ കോൺക്ളേവിൽ കാഴ്ചപ്പാടുകൾ അവതരിപ്പിക്കും.ജീവൻ ബാബു ഐ.എ.എസ്,​ ഡോ.ഡെവിൻ പ്രഭാകർ,​ ഡോ.വിജയനാരായണൻ,​ഡോ.ആർ.സുഭാഷ്,​കേണൽ രാജീവ് മണ്ണളി,​ഡോ.ടെസി തോമസ്,​ എസ്.എം.വിജയാനന്ദ്,​ഡോ.സജി ഗോപിനാഥ്,​ ഡോ.അച്യുത് ശങ്കർ എസ്.നായർ,​ഡോ.കല്യാണി വല്ലത്ത്,​സുനിൽകുമാർ​,​രാഹുൽ ഭട്കോടി,​ എസ്.കൃഷ്ണകുമാർ,​ അനിൽകുമാർ പണ്ടാല,​ബി.സുധീർ,​എസ്.എൻ.രഘുചന്ദ്രൻ നായർ,​എസ്.ഗിരീഷ് തുടങ്ങിയ പ്രമുഖരാണ് കോൺക്ലേവിൽ സംസാരിക്കുക.

കേരളകൗമുദി ഡയറക്ടർമാരായ ലൈസ ശ്രീനിവാസൻ,​ശൈലജാ രവി എന്നിവർ ഉപഹാരങ്ങൾ സമർപ്പിക്കും.ബ്ളൂമൗണ്ട് പബ്ളിക് സ്കൂൾ,ജോസ് ആലുക്കാസ്,​ എസ്.യു.ടി പട്ടം,​ഗിസാൻ ടെക്നോളജീസ് പ്രൈവറ്റ് ലിമിറ്റഡ്,​ ഭീമ ജുവലേഴ്സ്,​ വല്ലത്ത് എഡ്യുക്കേഷൻ പ്രൈവറ്റ് ലിമിറ്റഡ്,​ ദിവ്യപ്രഭ,​ അമരാലയ ശുശ്രൂഷ ഫാർമ,​ കോർഡൻ ഡെലിവറീസ് എക്സലൻസ്,​ എസ്.കെ.ഹോസ്പിറ്റൽ,​ ധനലക്ഷ്‌മി ഗ്രൂപ്പ് ഒഫ് കമ്പനീസ്,​ മാതാ കോളേജ് ഒഫ് മെഡിക്കൽ ടെക്നോളജി,​പിങ്ക് മേക്ക് ഓവേഴ്സ് എന്നിവരാണ് സഹസ്പോൺസർമാർ.