ചേർത്തല: കണിച്ചുകുളങ്ങര ദേവീ ക്ഷേത്രത്തിലെ ചതയദിന പ്രാർത്ഥനയും ദിവ്യനാമാർച്ചനയും 6ന് ഗുരുദേവ ക്ഷേത്ര സന്നിധിയിൽ നടക്കും. രാവിലെ 8ന് ഗുരു പുഷ്പാഞ്ജലി,9ന് ദേവസ്വം സെക്രട്ടറി പി.കെ.ധനേശൻ പതാക ഉയർത്തും. 9.15 മുതൽ പ്രാർത്ഥനയും ഗുരുദേവ കൃതികളുടെ ആലാപനവും. 10.30ന് അയ്യപ്പസേവാ സമാജം സംസ്ഥാന കമ്മിറ്റി അംഗം ശ്രീകുമാർ കോട്ടയം ഗുരുദേവ ധർമ്മ പ്രഭാഷണം നടത്തും. 12.15ന് ഗുരുദേവ പൂജ,തുടർന്ന് ബേബി പാപ്പാളിയുടെ നേതൃത്വത്തിൽ വിശേഷാൽ ദിവ്യനാമാർച്ചന.1ന് ഗുരു പ്രസാദ വിതരണം.