ആലപ്പുഴ: എസ്.ഡി.പി.ഐ സംസ്ഥാനസെക്രട്ടറിയായിരുന്ന അഡ്വ. കെ.എസ്.ഷാൻ വധക്കേസിലെ പ്രതികളുടെ ജാമ്യംറദ്ദാക്കാനുള്ള പ്രോസിക്യൂഷന്റെ അപേക്ഷ തള്ളി. കേസ് അടുത്തമാസം 22ലേയ്ക്ക് ആലപ്പുഴ അഡീഷനൽ സെഷൻസ് കോടതി-മൂന്ന് ജഡ്ജി റോയി വർഗീസ് മാറ്റി. ഹർജിയിൽ കോടതി ഇരുവിഭാഗത്തിന്റെയും വാദം കേട്ടു. ആർ.എസ്.എസ്-ബി.ജെ.പി പ്രവർത്തകരായ പ്രതികൾക്ക് ചട്ടങ്ങൾ ലംഘിച്ചാണ് ജാമ്യം അനുവദിച്ചതെന്ന് സ്പെഷ്യൽ പ്രോസിക്യൂട്ടർ അഡ്വ. പി.പി. ഹാരിസ് വാദിച്ചു. എന്നാൽ

പ്രതികളുടെ ജാമ്യം റദ്ദാക്കുന്നതിനുള്ള ഹർജി നിലനിൽക്കില്ലെന്നും പ്രതികൾക്ക് ജാമ്യം അനുവദിച്ചപ്പോൾ വിചാരണ കോടതി നിർദ്ദേശിച്ച വ്യവസ്ഥകൾ ഒന്നും പ്രതികൾ ലംഘിച്ചിട്ടില്ലെന്നും 2,4,6,8 പ്രതികൾക്കായി ഹാജരായ അഡ്വ. സുനിൽ മഹേശ്വരൻ പിള്ള കോടതിയെ ബോധ്യപ്പെടുത്തി.