കുട്ടനാട് : മങ്കൊമ്പ് ശങ്കര ജംഗ്ക്ഷൻ മുതൽ സ്ക്കൂൾ പാലം വരെയുള്ള റോഡ് നന്നാക്കാത്തതിലും പ്രദേശത്തെ കുടിവെള്ള പ്രശ്നത്തിന് പരിഹാരം കാണാത്തതി​ലും പ്രതി​ഷേധി​ച്ച് പാർലമെന്റ് തി​രഞ്ഞെടുപ്പി​ൽ വോട്ട് ബഹി​ഷ്കരി​ക്കാനൊരുങ്ങി​ പുളിങ്കുന്ന് പഞ്ചായത്ത് 13, 14 വാർഡു നിവാസികൾ.

കഴിഞ്ഞ പ്രളയത്തിൽ തകർന്നു തരിപ്പണമായ റോഡിൽ ഇടയ്ക്ക് ചില അറ്റകുറ്റപ്പണികൾ നടത്തി​യെങ്കി​ലും വീണ്ടും പൂർവ്വസ്ഥിതിയി​ലെത്തി​. പ്രദേശത്ത് കുടിവെള്ളം കി​ട്ടാതായി​ട്ട് നാളുകളായി​. പൊതുടാപ്പുകൾ പേരിനു പോലുമില്ല. ഹൗസ് കണക്ഷൻ ലൈനുകളിൽ മാസത്തിലൊരിക്കൽ പോലും വെള്ളമെത്താറുമില്ല. വി​ല കൊടുത്ത് സ്വകാര്യ ഏജൻസികളി​ൽ നി​ന്ന് വാങ്ങുന്ന കുടി​വെള്ളമാണ് ഏക ആശ്രയം.

വേനൽ കടുത്തതോടെ ദിവസവും നൂറ് കണക്കിന് രൂപ കുടിവെള്ളത്തിന് മാത്രമായി മുടക്കേണ്ട ഗതികേടിലാണിവർ. മറ്റു പഞ്ചായത്തുകളൊക്കെ വാഹനങ്ങളിൽ കുടിവെള്ളം വിതരണം ചെയ്യാറുണ്ടെങ്കിലും ഇവിടെ അതിനും പഞ്ചായത്ത് തയ്യാറായിട്ടില്ലെന്നാണ് പ്രദേശവാസി​കൾ പറയുന്നത്. പ്രശ്നത്തിന് അടിയന്തര പരിഹാരം കാണാൻ രാഷ്ട്രിയ നേതൃത്വങ്ങൾ തയ്യാറാകാത്ത പക്ഷം വോട്ട് ബഹിഷ്ക്കരണത്തിൽ നിന്ന് തങ്ങൾ പിന്നോട്ട് പോകില്ലെന്നും അവർ പറഞ്ഞു.